Texts

Iisussa ta velsevuli

August 25, 2022 in 15:18 Нина Шибанова

created the text
created the text translation
created the text: ¹⁴Kerran Iisussa ajo piessan mykäštä mieheštä.^ Kun piessa läksi, mykkä mieš rupesi pakajamah.^ Ihmiset oltih kummissah. ¹⁵Muutomat kuitenki šanottih: «Velsevulin, iče piäpiessan, voimalla Hiän ajau piessoja pois». ¹⁶A toiset tahottih kiušata Iisussua ta vuajittih, jotta Hiän näyttäis heilä merkin taivahašta. ¹⁷Iisussa tiesi, mitä näillä ihmisillä oli mieleššä.^ Hiän šano: «Kun valtakunta jakautunou keškenäh šotijih joukkoloih, še häviey.^ Šamoin käyt talolla, kun šen väki jakautunou. ¹⁸Kun šaatana šotinou iččieh vaštah, miteinpäš hänen valtakunta šilloin šäilyis? Työ šanotta, jotta Mie velsevulin voimalla ajan piessoja ihmisistä. ¹⁹No kun mie ajanen piessoja ihmisistä velsevulin voimalla, niin kenenpäš voimalla teikäläiset niitä ajetah pois?^ Eiköš Jumalan voimalla? Heistä työ niättä, mitein viäräššä oletta. ²⁰No a kun Mie Jumalan šormella ajanen pois piessoja, šilloinhan Jumalan Valtakunta on jo tullun tiän luo. ²¹Kun väkövä mieš aštalojen kera vahtuau omua taluoh, šilloin hänen hyvyset ollah turvašša. ²²A kun hänen piällä hyökännöy vielä väkövämpi mieš, še voittau hänet.^ Šiitä ottau häneltä aštalat, kumpasih hiän luotti, ta jakau häneltä anaššetut šualehet. ²³Ken ei ole Miun puolella, še on Milma vaštah; ken ei keryä Miun kera, še hajottau».