Texts
Return to list | edit | delete | Create a new | history | Statistics | ? Help
Iisussa parentau naisen šuovattana
Iisussa parentau naisen šuovattana
Karelian Proper
New written karelian
10Iisussa opašti
rahvašta šuovattana eryähäššä sinagogašša .
11Šielä oli naini , kumpasešša oli kahekšantoista vuotta voimattomuon henki . Hiän oli kykräššä eikä voinun šuoristua šelkyäh .
12Naisen nähtyö Iisussa kučču hänet luokšeh ta šano : "Naini , šie olet piäššyn vaivaštaš ".
13Hiän pani kiät naisen piällä , ta naini šamašša šuoristi šelkäh ta rupesi kiittämäh Jumalua .
14Sinagogan piämieš šiänty , kun Iisussa parenti šuovattana . Hiän šano rahvašjoukolla : "Netälissä on kuuši ruatopäivyä . Tulkua šilloin parentautumah , elkyä šuovattapäivänä ".
15Hospoti vaštasi hänellä : "Oho šie pyhäkši luatiutuja ! Eikö jokahini teistä piäššä šuovattana härkyä tahi oslua parrešta ta vie juomah ?
16Tätä Aprahamin tytärtä šaatana on pitän šivottuna jo kahekšantoista vuotta . Eikö häntä ois šuanun piäštyä näistä šiteistä šuovattana "?
17Iisussan vaššuštajilla tuli huikie , konša hyö kuultih nämä šanat .
A ihmiset oltih mielissäh kaikista niistä šuurista ruatoloista , kumpasie Iisussa luati .
Iisussa parentau naisen šuovattana
Karelian Proper
New written karelian