Texts
Return to list | edit | delete | Create a new | history | Statistics | ? Help
Sattan oppiu muanitella Iisussua
Sattan oppiu muanitella Iisussua
Livvi
New written Livvic
1 Iisus lähti
Jordanjovelpäi täyzi Pyhiä Hengie . Hengi vietteli Händy elämättömäs muas
2 n՚ellikymmen päiviä , a pahalaine muanitteli Händy . Net n՚ellikymmen päiviä Iisus ei syönnyh nimidä , i konzu tämä aigu oli jo jällel , Hänele rodih n՚älgy .
3 Sit pahalaine sanoi Iisusale : "Ku kerran olet Jumalan Poigu , ga käske tälle kivele muuttuo leiväkse ".
4 No Iisus vastai hänele : "Pyhis Kirjutuksis on sanottu : "Ei ristikanzu elä leiväl yhtel "".
5 Sit pahalaine vedi Iisussua korgiele kohtale da yhtel silmän lipahutandal ozutti Hänele kai muailman muat 6 da sanoi : "Kaiken tämän , kogo muailman da sen bohattuon minä annan sinule . Se , näit , on annettu minun valdah , i minä voin andua sen kelle vai tahton . 7 Ku kumardannettos minule , kai tämä roih sinun ".
8 No Iisus vastai : "Pyhis Kirjutuksis on sanottu : "Kumardai vai Ižändäle , sinun Jumalale , da sluuži vai Hänele "".
9 Sit pahalaine vedi Iisusan Jerusalimah , pani Händy seizomah jumalankoin levole da sanoi : "Ku kerran sinä olet Jumalan Poigu , ga hyppiä tiäpäi alah . 10 Onhäi Pyhis Kirjutuksis sanottu : "Häi käsköy anheliloile kaččuo sinuu . 11 Hyö kannetah sinuu käzil , ku sinä et satattas jalgua kiveh "".
12 No Iisus vastai : "A vie on sanottu : "Älä tyhjäs opi Ižändän , sinun Jumalan mielii "".
13 Pahalaine kaikkeh luaduh opii muanitella Iisussua , a sit kodvazekse jätti Händy rauhah .
Sattan oppiu muanitella Iisussua
Livvi
New written Livvic