Texts
Return to review | Return to list
Car’ Petr i mellišnik
history
September 14, 2022 in 12:52 Нина Шибанова
- created the text
- created the text translation
- created the text: Oli ende mugoine manastir’, mugoine oli manastir’, oli kirjutet, verajale loud ripputet: ”Holetei i gor’atei manastir’”. Ajaškanzi Petr Pervii ičeze hotkijou hebou. Homeič necen loudan. Män’ neche manastirhe, a manastiriš igumen käveleb: - Mijak, sanub, tiilätei ningoine loud rippub – ”Holetei i gor’atei manastir’”? - A mijak meile houtta? Meil om elo holetoi i gor’ad ele. Todasei miilämoi dengad voumheks, söttas miidämoi voumheks, sobitadas voumheks. Mitte miilämoi vuu om gor’a da hol’. Hüvä elo ka. - Sinä, sanub, ota da ozaida, sanub, ozoitesid. Minä, saab, tagaze ajaškanden vides päiväs päliči, ed ozaida, ka minä sinei pän čapan. Dei ištuihe hebole raccale, dei ajoi. Igumen houduškanzi. Hol’ teghe, goriškanzi, ei teda, miččed ozoitesed ozeita. Sanun vei en. Houdui, houdui. Tuleb mellišnik manastirhe. Igumen ningoine holekaz. - Mijak sinä, hospodin igumen, ningoine holekaz? - En teda, ken ajei, naku sidä, sanui, tulen vides pejas päliči, i ozeida ozoitesid. A minä en teda, miččid ozoitesid. - Oi sinä, gor’a, anda, minä sobimoi ka ozeidan. Oti mellišnik, pani rizud päle. Tuli Petr Pervii ičeze hebuu, hebuu sinna tuli. - No ozeida, ded. - Nu sanu-ške, om-ik ülähän taivaz? Ka minä dumein – ei diki ülähän. Kut jumou juregandeb, muga i vihmuškandeb. Dumei, dumei Petr Pervii. - Ka, minä-ki soglasen. - Nu, ozeida-ške vuu ozoitez. - Mitte, sanu. - A om-ik süvä ma? A minä dumein, nece om trudno ozeita. Minei oigetud ded om, seičemekime viž vot, i keika kirješt ele. Dumei, dumei Petr Pervii: - Ka, proud. - Ka ozeida-ške vuu ozoitez. - Mitte? - A om-ik leved ma? Ka minä dumein - ei diki leved. - A mijak muga - ii leved? - Potomu što kaks’ ristitud krugom sutkoiš proit’t’as. - Ked hii mugomad? - A päjou peiveine, a öl kudmaine. Dumai, dumai Petr Pervii. - Ka, proudan sanud, minä-ki soglasen. - Ozeida-ške vuu ozoitez. - Mitte? - A mi om kaikid töu svetuu hotkijemb? - Hotkiemb? - Ristitun dum. - Kut muga dum? - A minä sinunke pagižen, a dumein - olen restoranas. Ka, dumei, dumei: - Verno, proud. - A sanu-ške nügude, mi om kaikid töu svetuu žirnijemb. Dumei, hänuu om čoma kaban, da siga, sanub Petr Pervii. - Ma! - A mijak muga ma? - Ka potomu što maspei, miččen jüveižen tacid, nu ka kazvab. Marjad kazdas, pud kazdas, kaikuine sija maspei kazvab. Händast žirnijembad ele nimidä. Petr Pervii dumei, dumei: - Ka verno, soveršenno verno. - Nu a nügude sanu-ške minei, kuverdan teivhaline car’ stoib? A teivhaline car’ stoib koumekime poutinnikad. A sinä, sanub, madme käveled, car’, nu ka sinä, sanub, kaks’ poutinnikad oled odvemb, kaks’kime kahesa stoid. I Petr Pervii dumei, dumei: - A proudan sanud. Dai ištub vaitti. - A nugude, sanub, sanu-ške, min minä dumein? - A sinä dumaid – nu i igumen! - Soveršenno verno. - A minä na samom dele olen mellišnik!