Texts
Return to list | edit | delete | Create a new | history | Statistics | ? Help
Iisus otetah kiini
Iisus otetah kiini
Livvi
New written Livvic
47 Vie
Iisusan paistes , sinne tuli miesjoukko . Ielpäi astui Juudu , yksi kahtestostu opastujas . Häi meni Iisusan rinnale , ku andua suudu .
48 A Iisus sanoi hänele : "Juudu , suunannandalgo sinä menetät Ristikanzan Poijan "?
49 Iisusas ymbäri olijat ku ellendettih , midä täs rodieu , sanottih : "Ižändy , iškemmögo miekal "?
50 Yksi heis iški ylimäzen papin käskylästy , da leikkai hänel oigien korvan .
51 No Iisus sanoi : "Azetukkua ". Häi kosketti käil sen miehen korvua da parandi sen .
52 Sit Iisus sanoi ylimäzile pappiloile , jumalankoin vardoiččijoin piällikkölöile da rahvahan vahnimile , kudamat tuldih Händy ottamah : "Työ lähtittö minuu ottamah kui rozvuo , miekoinke da seibähienke !
53 Joga päiviä minä olin teijän keskes jumalankois , i etto työ nostanuh kätty minuu vastah . No nygöi on teijän aigu , nygöi on pimien valdu ".
Iisus otetah kiini
Livvi
New written Livvic