Texts
Return to review | Return to list
Vuassu
history
October 12, 2022 in 15:50 Нина Шибанова
- created the text
- created the text translation
- created the text: Viego Aksinja Konstantiinovna laadi vaassaa? Vuassua vie nügöi pidänöü sinul annan. Sanos, kui vaassu pandih. Hüvä vaassu laadie. Hüvä vuassu enne luojittih. Ül’en hüvä vuassu luojittih. Ruistu pandih idejih, rugehet kastettih. Sid rugehed ned kolme üödü libo nelli ijätettih. Da sid otetah da sit päččih rugehet padah čugunnoih [pannah]. Da katettih ül’en hüvin. Sit sie päčis päivü pietäh, toine pietäh, sit kois d’auhoinkivel d’auhottih. Kuivattih da sid kartohkua libo midä keitetäh da sid niidü idujauholoi vuassah [pannah]. Da sid mämmit päččih, ned mämmikse nazivaiččeheze. Sid niidü piettih päčis. Huondeksel pannah, tossu huondeksen otetah. Sid ned pilkottih puččih, da sid puččih vie olgie sinne pandih, ned mämmid piel. Sie puikkuo pannah ristakkai puččih enne, sid olgie piäl, sid mämmid pilkottih. Dai nügöi azutah tože mugal’ei, kartohkaz da n’äivöidü kel olloo. Kem voinnou, ga nagristu peldoh kazvattau, požalusta, sid azutah. Minul on seičaz vuassu nügöi. Sano, Aksinja Kanstantiinovna, midäbo, kui ennevahnaz nagristu süödih? Midä hänez laittih? Enne? Enne nagristu süödih, paččoi päččih pandih. Haudua padah pandih. Sid havvad ned päčis tože piettih, kengo pani vettü, kel pidi sie n’äivöi, neče, riepoi.^ Nu vod. Sit se pani vettü, ken ei, ga kuivil’l’eh sid süödih i sih luaduh. Se otetah haudu libo tämä pačoi päčiz, ken ei süö da diäü se n’äivöikse. Kuivattih päčis, viiboitetah da n’äivökse päččih. Da sid päčis kuivatah, sid vuossoa [luajittih]. Libo enne süödih, kačo, n’äivöirieppoi livotetah vies da kiiselin kel süödih. Ennehäi pühitettih rahvaz, eihäi argie süödü. Nu vot, sit pühiz n’äivöirieppoi kiiselin kel [süödih]. VR: Süödihgo enne paččoi libo haudaa teil kagrazen tahtahankel? AB: Süödih paččoi, haudua ei süödü, a paččoi ku päčin edeh pannah nečih, pühkitüs päčis piettül’öi ei süödü. A gu pannah, päčči koz l’ököttäü l’ämmäs, sit pannah nagristu päčin edeh. Sit taiginaz otetah kagrastu jauhuo, kačo, pannah ezmäi rugehistu, mešaijjah, sid kagraizel sotkieh notkiekse. Sit tahtahan kel süödih täüttü vägie niidü, da ül’en hüvä oli.