Texts
Return to review | Return to list
Piiraidu pastan
history
October 13, 2022 in 11:17 Нина Шибанова
- created the text
- created the text translation
- created the text: Sanele sit, mittumua piiruadu pastat enimütteh. Ga piiraidu pastan, en tiä hüväd vai pahad roihez, ga pastahuu süvväh. Pastan kartouhkupiirain, pastan, kačo, suvaijjah sidä hüvin. Kartouhkupiirai, sid suurimpiiraidu pastammo, brossupiirai pastammo, riissupiirai pastammo. Talkun? Talkumpiirai pastammo vie, dai mannois krupas. Ühtez mannois krupas i valgiez jauhoz voibi sevoittoa da hüvä roihes tože piirai. Se piäl’üstät, piiraim piäl’üstät? Da, ga piiraih süväindü pidäü. Süväindü? Da peälpäi kannates pannah piirail. Kuibo luajit kuaret? Kuoret pidäü sevoittoa rugehizez jauhos, libo ženitsüjauhoz loadie. Valgiez jauhoz ei ole muga hüvä kuori, sid ühtistäjes, kačo da, rubiet hot, valgei jauho ei hüvä ole kannelta piirailoi. A mustaz jauhoz roih piiraikse ül’en hüvä kuori, sidä tiä laitah mustas, mustaz jauhos, sellitezjauhoz muga pidäü sanuo. Sit piirail’e kannatestu peäl [pannah]. A sit tahtahan sevoitat, huondeksel ku nouzethäi, sit päčn paned lämmäh. Da, päčin l’ämmäh panen nostuu. Sit sevoitat. Sit pidäü tahtastu sevoittoa, da sit loadie voal’uškad da tahtaz loadie da voaluškad. A kuibo tahtahan sevoitat? Sevoitam, maiduo paned aštieh da sid suoloa paned, da sit pieksät värtinäizel, jauhuo paned. Sit sotket käzil. Värtinäistü sie ezmäikse pieksät aštieh, a sit koat stolal. Sit käzil pidäü tahtas hüvin sotkie se i voalit. Pidäügo ülen sagei tahtas [luadie]? Ei pie ül’en sagiekse loadie, a häi ajelta roih paha ül’en sagei, normal’noi pidäü [olla], eigo pie notkiekse eigo sagiekse [luadie]. Notkei tože eule hüvä, sit kuored ei [kestetä], sit kačo, kandoa piiraidu [proutivole] süväivem panduu [on paha]. Da ni sagei eule hüvä. Sit kuored ajeled da süväindü laid da sit ühtistät.