Texts
Return to review | Return to list
Pelvastu külviimö
history
October 27, 2022 in 15:24 Нина Шибанова
- created the text
- created the text translation
- created the text: Nu sit, Jekat’erina Nikolajevna, kui se enne pelvastu kazvatitto? Da kui, külviimö da siiten kazvoi, kütkiimö. Sinä sano minul allus, kui se maa varustetah, nu se loppussah. Nu, ka mian künnetäh, astivoijah hüväžesti, hüväh miah pannah. Siit kül’vetäh, siid l’ähtöü [kazvamah], siid müös’ pidäü haravala vejel’l’ä hää kai, štobi oliž oigei ploššadi tämä. Siit ku kazvau, piku vähäžel’ l’ähtöü, siit pidäü kütkie tämä pelvas. Siid jo ku kazvau konzu kaikeneh, siit pidäü ottia.^ Händah ristuolehe otat. Sitten rivinlaual pidäü riibie nenne siemened iär’eh, tuliekse vuotto štobi oldaš siemened omad. Net pidäü kuivata hüväl’ aijjal, kai hüväh por’atkah panna. A siit i nenne pelvahat panna ligoh kaavoh. Sit ku hüö kolme n’edälii ligotah, sit pidäü l’evittie lajole. Sid lajolpäi otammo, kuiviammo. Siiten ahtammo kül’üh, loukkutammo ezmäčikse. Ezmäžed revud siiten lipsul lipšiammo. Sid vidommo vie, siid vie hard’al hardiemmo. Siid d’ö r’übiemmö kezriemäh. Konzo kezriemmä siiten jo kangasto r’übiemmö azumah.