Texts

Kukkii süötettih

October 31, 2022 in 16:36 Нина Шибанова

created the text
created the text translation
created the text: Eigo teil kačottu zirkaloh? Kačottih jo, kačottih zirkaloh dai kai šuutittih kaikkie zirkaloh da i kukkii süötettih. Sanos kui se kukkii süötettih. Kukkii kakstostu čiassuu pidäü vuottia Uutto vuotto vaste. Sid kakstostu čiassuu ku roih, sid nenne tütöt tullah, pannah d’oga duvval’e süömistö. D’oga tüttö ičen kohtah [panou] i keskeh täh kukin laskieh. Kudialluo näiten tuloo kukki n’uokkiamah, se miehel’e menöö enne. ”Oi, minä en l’ähte tänävuon, ei minulluo kukki n’uokan”. Sid i iče nagretah. A häi sanoo: ”n’ügöi piäžöü miehel’e, ku kukki n’uokkai hänel, kai n’äidgo sai. Hänel ezmačikse d’üvät i dogadii, libo sie mit pandut suomižet”. A siit nagretah sen keh, da sih i loppivuu. Oi, puolen čiassušto libo čiasun sie kukkii tämän süötetäh. A ku sit tulloohai kukki da vie laalahtah: ”Oi ,joi, joi, riidel’emäh kaiken vuvven rubien. Kukki jo tuli haukkumah mille riidia roih”. Ka primietittih, vai meččü t’iedäü, ennevahnalližet sie rahvaz vet’ [oldih]. Heil’e olihai potskažittu nuorižol, eihäi hüö, nuorižod, tietty, emmohäi t’iedänüt, ved. Sie vahnembad naižed sanotah, nu muga i riattih, kuuneltih. Čuudimaižeh mennäh, siit midä puuttuu [ruattih], kel’ midä maltettih, sidä i riattih.