Texts

Return to review | Return to list

Paimenda palkkoaw kül’ä

history

November 09, 2022 in 12:38 Нина Шибанова

• created the text
• created the text translation
• created the text: Kuin en’n’ein palkattih paimenda? Paimenda palkkoaw kül’ä. Ka proidiw pühäkeški, tulow Šuur’i pühä, kül’äššä rahvaš keräüvütäh enžimäs’argena. Röäd’iečetäh, äijägo paimenella l’eibänä, äijägo rahana. Enämmän palkattih kedä jo t’iijetäh. L’iew Jürgi, paimen jo palkkoačen,| žiivtan ajetah peldoh, jumalazenkela, i paimen kaikki. Kaiken žiivtan ajetah virvoinke a naroda krugom žiivattoa, jumalazenke, jumalan’e Jürgi šüöttäjä paimenella käz’is’s’ä. S’ieglah s’eiz’tettu, ka n’in s’ieglah,| olgupöäh upr’iw, tämänke Jürgi šüöttäjänkela ophot kolme kerdoa proid’iw. Oigiešša köäššä kirveš, üht’eh ka, n’el’l’ä kerdoa rist’ih rast’ih, kuin tulow toizeh kohtah, toaš painoačow toaš prorubl’ajit moah. A naroda, kierdäw kaikki krugom, ophot, a šiidä kolme kerdoa proid’iw, ammutah! Žiivtan i laškietah. Kaikin šil’mie ris’s’itäh, žiivatta l’äks’i! Virvat annetah lapšiila, a hüö männäh jovella da laškietah vedeh. Pid’i mahtua paimendua? Daa, kun paimen mahtaw, hänel’l’ä kaikki mänöw blaho. Ših varoin höän ottaw t’iedäjäl’dä otpuskan, ol’i žem moizie akkoja. Paimendoa auttaw mečänizändä, hukka šilloin ei košše karjoa. Illalla paimen šoittaw bremoh, nu l’ehmät matatah jäl’l’ekkäh kod’ih.