Texts
Return to review | Return to list
Regikelil
history
November 21, 2022 in 10:39 Нина Шибанова
- created the text
- created the text: Regilöi karjalazet käytettih vie enne sidä, kui hyö ruvettih käyttämäh hebuo vedoväinny. Net oldih pienet regyöt, kudamien ristikanzu vedi gruuzua. Moizii vie mennyöl vuozisual oli Vienan Karjalas. Vienankarjalazet sanottih niilöi regyzii ahkivokse, liygiläzet – volokakse. Ahkivo mustoitti venehty. Emäpuunnu oli sangei koivulaudu, kudaman yksi agju oli kiännetty kui rien jallas. Sih laudah nuoral libo vičal kiinitettih kaijat bokkulavvat. Jogahizen vičan lopus oli silmy, niilöih silmih pandih nuoru da nuoras viettih volokku. Luajittihgi kezäregilöi, net oldih lyhyömbät. Niilöis viettih sežo halgopuudu, heiniä, olgie da höštyö. Nuoret da lapset čurattih regyzil mäispäi. Ruavahat ajeltih regilöis pruazniekkoih. Pruazniekkuriet oldih čomembat da niilöi sanottih korjakse. Sit käyttöh tuldih riet. Niilöi maltoi luadie joga muanruadai mies. Jallaksih niškoi leikattih mečäs ei sangei koivupuu, se kuorittih da pandih päččih. Pehmei puu pidi lämmyttiä, sendäh se pandih paininpuuh. Jallaksii kuivattih pertis. Kuivattuloih jallaksih luajittih pezät, kudamih sivottih kablahat. Kablahii oli kolme-nelli puarua. Regilöis viettih heiniä da halgopuudu mečäspäi da muudu gruuzua. Toiči jogahizeh gruuzuh niškoi oldih omat riet. Luvul XIX Vienan Karjalas regilöih val’l’astettih pedroi, myöhembi – heboloi. Regie levielöin jallaksienke sanottih kelkakse. Kelkah sežo val’l’astettih pedroi da heboloi.