Texts
Return to list | edit | delete | Create a new | history | Statistics | ? Help
Nikitina, Irina. Pikkutähen valo
Nikitina, Irina
Pikkutähen valo
Karelian Proper
New written karelian
Rikenehkö pietäh
Tähtien Čuarittaren pruasniekkua ?Moušot kerta vuuvvešša tahi kymmeneššä vuuvvešša , a moušot ni kerta vuosišuašša .Ihmiset šitä ei tiijetä , a tähet tuškin šiitä heilä kerrotah .Ka še pruasniekka aina on ihana ta kummallini .
Tähet , puitto prinsessat , kiirehitäh juhlah , jotta onnitella omua käškijyä , paissa keškenäh ta kertuo tärkeimpie uutisie .Muutoman tunnin piäštä hyö myöššytäh omilla paikoilla ta joka yö valvotah , vet jokahisella heistä on oma tehtävä ta tarkotuš , kumpasie ei šua unohtua .
Tavallisešti heijän tehtävinä on antua valuo ihmisillä ta kaupunkiloilla , auttua lahjakkahie imehnisie – taiteilijie , šäveltäjie , runoilijie .Jokahini tähti yritti löytyä vaikkapa yhen innoštunuon ihmisen , jotta auttua häntä .Millä keinoin tähti voit auttua ?Hiän voipi valottua tietä , konša on pimie .Voipi antua kirkaššušta tai himuo šeurata huavehta .Voipi antua neruo piäššä vaikeuk šien läpi .Ka ihmisillä on vaikieta ymmärtyä , mitein etähiset tähet voijah heitä auttua .
Harvinaisilla tähillä oli erikoini tehtävä .Još ihmini šynty juuri šinä päivänä , konša Tähtien Čuaritar oli valmis plahoslovie häntä , ni hiän lahjotti platenčalla yhen pienen tähen , kumpasešta šiitä tuli hänen elämän opaš .Tähti šuojeli valittuo imehnistä ta toi šuureh tarkotukšeh .Još ihmini ruato oman tähen mukah , hiän voi luatie šuuren löyvön .
Kummallisella Pikkutähellä šemmoni oša oli tosi vuottamatoin .Poika , kumpani näytettih hänellä , oli enši kačahukšešta ihan tavallini .Ka Pikkutähti rupesi huolehtimah häneštä .Lapšukkaini kašvo ilosena ta väkövänä , ta toičči Pikkutäheštä tuntu , jotta poika ei ni tarvinnun hänen apuo .
A Pikkutähti iče oli niin nuori , jotta halusi uušie vaikutelmie .Kerran tähti piätti , jotta lapšen kera mitänä ei tapahu , još hiän jättäy oman hoijettavan vähäkši aikua .Vet hänen čikot ta potruškat niin ihaššutah , još hiän tulou heilä ativoih hoti kotvasekši .
Pikkutähti oli oikiešša – kaikin oltih mielissä , konša nähtih omua armašta potruškua .Pityässä iluo toisien tähtien kera Pikkutähti ei ni huomannun kuin äij än aikua oli kulun šiitä päiväštä , kun hiän jätti pojan .Moušot mäni kuukauši , a moušot ni vuosi .
Ka konša Pikkutähti muisti lapšešta ta tuli hänen luokše , hiän näki , jotta kaikki oli muuttun .Poika enämpi ei ollun terveh ta vesselä .Lapšukkaini veny kalpiena ta liikkumattomana lakanojen ta kapalojen kešeššä .Pikkutähti töintuškin tunsi hänet .Häneštä tuntu , jotta lapšella ei ollun voimie äšen avata šilmieh .
Enšin Pikkutähti jähmetty , a šiitä rupesi riuhtumah .Hiän ymmärti , jotta hänellä ei ole voimua parentua poikua .Pikkutähti rikko kaikki taivahalliset šiännöt ta kapšahti apuh Tähtien Čuarittaren luokše .
Tällä kertua häntä vuotti ankara vaštahotto .
– Mitein šie rohkenit jättyä lapšen ?
Etkö tietän , kuin mainivo kohtalo ta šuuri oša vuotti häntä ?Monta vuotta tietomiehet on ečitty liäkettä tautih , kumpani viey nuorien ta vanhojen elämie .Juuri täštä lapšešta oli tultava tietomieš , kumpani pelaštais muailman muokašta ta kyynälistä .Kuin äijän aikua tarviččou , jotta uuvveštah šyntyis nerokaš platenčča ?kyšy Tähtien Čuaritar .
Pikkutähti alko vapissa epätoivošta ta tähtitaivahan kaikkie šiäntöjä vaštah moli Čuaritarta muuttua lapšen kohtalo .Pikkutähti oli valmis antamah vaikka mitä pojan pelaštamisešta .
Vaštauš oli lyhyt ta karkie :
– Šie voit pelaštua hänet , vain još annat hänellä koko valoš ta elämäš .
– Olen valmis , heti šano Pikkutähti .
Hiän varasi vain , jotta ei kerkie auttua poikua .Viimesen kerran Pikkutähti kaččo omih potruškoih , šiitä šytty kaikkie kirkkahimmin ta šammu .
A mualla olija lapšukkaini tällä hetkellä avasi šilmät ta muhahti .Kohta hiän rupesi parenomah .Še ihaššutti pojan omahisie , liäkärijä ta Pikkutähen potruškoja .Šamah aikah tähet huoleššuttih omašta yštäväštä , ka šiitä hyö kuultih Tähtien Čuarittaren iäni :
– Meijän Pikkutähti on elävä .Myö emmä niä häntä , vet hiän on antan oman valon pienellä ihmisellä .A konša poika täyttäy oman tehtävän , šuatta nähä Pikkutähen uuvveštah .
Kummalliset tähet alettih pyörie ilosešša piirissä .Ka kohta tuli aika myöštyö omilla paikoilla , vet heijän on aina varteitava , jotta ihana elämä mualla jatkuis .
Pikkutähen valo
Karelian Proper
New written karelian
–
–