Texts
Return to review | Return to list
ANNI-BUABO
history
January 16, 2023 in 11:38 Нина Шибанова
- created the text
- created the text: Minul on buabo. Hänen nimi on Anni. Minun buabo on pieni kazvol da laihu. Häi jo ei ole nuori, ga on ylen čoma. Minun buabal on harmuat tukat, niidy häi keriäy myčkyh. Buabo ainos pidäy paikkua piäs. Hänel on äijy čomua eriväristy paikkua. Minun buabal on suuret sinizet silmät. Hänen kačahtus on sula da helly. Minä suvaičen, konzu buabo muheloittau, hänel on čoma muhahtus. Buabo harvah konzu on pahas mieles, häi on hyväntahtoine da hyväsydämelline ristikanzu. Häi on rahmannoi emändy da hyvä paginkanzu. Buabo on ylen ruadai ristikanzu, häi ei voi olla joute, ainos midägi ruadau čopottau kois libo ogrodas. Joga pyhiäpäiviä häi pastau piiruadu, buaban piiruat ollah magevimat. Minun buabal on helei iäni. Häi tiedäy äijän karjalastu pajuo, zuakkunua, suarnua da runuo. Illoil suvaičen istuo hänenke kahtei, sit häi pajattau, sanelou libo lugou midätah karjalakse. Minule sanotah, ku olen buabahes. Minul ollah buaban silmät da kačahtus. Tabagi meil on sama. Minä suvaičen omua buabua.