Texts
Return to review | Return to list
MAIDOPYHÄLASKUNNU KUČU TUTTAVII ČUPUKALE
history
January 16, 2023 in 15:11 Нина Шибанова
- created the text
- created the text: Karjalazil Maidopyhälasku oli suuri pruazniekku. Se ainos on nedälii enne Suurdu pyhiä. Konzu on Suuri pyhä, uskojat rahvas pyhitetäh. Pyhän aigua ei sua syvvä nigo lihahistu, nigo maidohistu. A Maidopyhälaskunedäli on jälgimäine nedäli enne Suurdu pyhiä, konzu suau syvvä argie. Sil nedälil joga talois emändät pastetah val’l’oidu da čupukkua. Enne čupukkua pastettih riehtiläl, päčis kegälehien piäl. Čupukku on pyöryžy, riehtilän suurus val’l’oi, kudaman syväimekse pannah pudruo. Sit se val’l’oi kiätäh kolmečuppuzekse čupukakse. Sanas ’čuppu’ tulougi čupukan nimi. Enne čupukkua pastettih kagrujauhos, nygöi pastetah nižujauhos.