Texts
Return to review
| Return to list
Veren šulku
history
January 17, 2023 in 16:25
Nataly Krizhanovsky
- created the text
- created the text translation
- created the text: Kettuni, kerövä poika,
ajova keröttelöy
heposella hirvisellä,
kalan hauvin karvasella,
5 lohen muššan muotosella,
ajova keröttelöy.
Tuolta kiertäy Kiiminkih,
vešahtau Vešan kyläh,
pitäjihen Vuokkiniemeh,
10 lautamiehen lattijelle.
Lautamieš lakitta šeisou,
panu piällä pal’l’ahalla,
kyšy kynnykšen takuata,
anu alta ikkunan:
15 ”Mist’ on vierani kotosin,
onko Oululta olova,
vainko on kaupunkilta kauppamieš?”
”Ei ole Oululta olova
eikä kaupunkilta kauppamieš”,
20 akka puhuu pöyvän piäštä,
laušuu lakkapuun takuata.
Poika paukkua pankon piäštä:
”Ei ole Oululta olova
eikä ole kaupunkilta kauppamieš,
25 tämä on Kettuni, kerövä poika,
tuolta on kiertän Kiiminkistä,
vešahtan Vešan kyläh
lautamiehen lattijella.”
Lautamieš lakitta šeisou,
30 panu piällä pal’l’ahalla,
kyšy kynnykšen takuata,
anu alta ikkunan:
”Onko täššäki talošša
tämän tulvan tuntijoita,
35 šuonikošken šulkijoita?”
Akka puhuu pöyvän piäššä,
poika laušuu lattijella:
”On täššä talošša šulettu šuurempia,
vaššattu valtavampija,
40 voitu on väkevämpijä.”