Texts
Return to review | Return to list
Kilpalaulanta
history
January 17, 2023 in 17:22 Nataly Krizhanovsky
- created the text
- created the text translation
- created the text: Šano vanha Väinämöini: ”Miksi tulit tuhmašta tiellä, vaštahan varattomašti, särit länket länkipuiset, 5 vešaseni vemmelpuune?” Šano nuori Joukahaini: ”Kumpani on tiijoilta parempi, muissannoilta mahtavampi, šepä še tiellä šeisokkahe, 10 toini še tieltä šiirtykkähe.” Šano vanha Väinämöini: ”En noita hyvin pahoin pelänne, mielijäše, miekkojaše, tuurijaše, tuumijaše.” 15 Murši šuuta, viänti piätä, iče loihui laulamahe, iče loihui laulamahe. Lauloi nuoren Joukahaisen, lauloi šuohon šuonivöistä, 20 niittyhyn nivušlihoista, niittyhyn nivušlihoista, kankahasih kainaloista, kankahasih kainaloista. ”Oi olet viisaš, Väinämöini, 25 laulaja lavija šuini, pyörrä pois pyhät šanaset, piäššä täštä pälkähäštä, šelitä täštä šeikašta. Annan kultua kuparin täyven, 30 hopijata huovan täyven.” ”Kukkana on omatki kullat, lapšen leikkinä hopiete, lapšen leikkinä hopiete.” Ainako alemma lauloi: 35 ”Oi olet viisaš, Vänämöini, laulaja lavija šuini, hiekka šilmijä hijouve, virta jalkoja vetäyve, annan ainuvan šiskoni, 40 lainuan emoni lapšen šiula pirtin pyyhkijäkši, lattijan lakasijakši.” [– Šiitä antau, pyörtäy poikeš nuoren Joukahaisen, kiskou šieltä mättähäštä, tulou pois, šiitä lähetäh pois.]