Texts
Return to list | edit | delete | Create a new | history | Statistics | ? Help
MAIMUROKKU
MAIMUROKKU
Livvi
New written Livvic
Maimu
on päčis kuivattu pieni kala .Maimakse pädöy kuoris , kiiškoi , ahven , särgi , matikku , haugi , lahnu .Karjalazet vuvven aloh mielihyväl syödih maimurokkua .Keitettih maimua talvel , konzu liharokku jo ei mene , dai kezäl , räkel päiväl , pidäy vai se viluskoittua .Suavut kalat puhkattuu hyvin pestäh , ku keittäjes syömine ei olis kargei .Maimu rodieu magei , ku pannet sidä kuivamah päččih sinäpiän , konzu kalat ollah suadu .Kuivates pidäy ottua kalat päčispäi kerdu-toine , šeluo net , gu kala hyvin kuivas da ei palas .
Maimurokkan keittäjes kattilah valetah vetty , pannah sinne hienosti pilkottuu kartohkua , ližätäh maimua , suolua , mustua pippurii , lavrulehtie .Sit pannah päččih .Konzu rokku kypsenöy , valetah se juodazih .Maimurokkah voibi ližätä kannatestu libo muite syvvä .Voibi panna rokkah laukkua .Maimurokkua keitetähgi karjan ozrusuutimanke , erähät keitetäh suolatun kapustanke .Ylen se roih magei .Voimattomannu olles gu roinnou himo maimurokkua syvvä , tiijä – olet hengih piässyh .
Karjalazen kalenduaran mugah
MAIMUROKKU
Livvi
New written Livvic