Texts

Return to list | edit | delete | Create a new | history | ? Help

Karjalaine Pakkaine

Karjalaine Pakkaine

Livvi
New written Livvic
Ven’alazil on Pakkasukko, suomelazilJoulupukki, amierikkalazilSanta Claus, francielazilPer Noel. Karjalazil sežo on oma Pakkasukko. Tiijätgo, kui on hänen nimi da kugalaine häi on? Häi eläy Anuksenlinnas da nimi hänel on Pakkaine. Karjalaine Pakkaine ei ole, kui toizet Pakkasukot, vahnu parrakas mies. Häi on nuori, ravei da iloniekku. Häi on roinnuhes talven enzimäzenny piän da on kauppumiehien suguu. Häi on roinnuhes matkas, konzu hänen tuattah da muamah ajettih jarmankaspäi kodih. Pihal oli kova pakkaine, ga brihačču oli terveh da luja, matkas ei kylmänyh. Sendäh hänele pandih nimi Pakkaine.
Kui tuattah da muamah, kazvahuu brihaččugi rodih kauppumiehekse. Anuksenlinnas, omas rezidencies, Pakkazel on laukku. Sie häi vastavuu rahvahanke. Hänellyö gostih kävväh lapset dai täyzi-igäzet. Pakkazel on oma tiedovoittu dengaineAino diivo. Aino diivo tuou lykkyy sille, ken pidäy sidä käis. Talvel Anukses Pakkaine pidäy kilboiPakkazien kižoi. Kižat ollah Pakkazen roindupäivänny – 1. talvikuudu. Niilöih ozuttamah omua neruo da vägie tulou Pakkasukkuo kaikkielpäi Ven’ua da ulgomualoisgi.