VepKar :: Texts

Texts

Return to list | edit | delete | Create a new | history | Statistics | ? Help

St’oppi koufeilas

St’oppi koufeilas

Livvi
New written Livvic
St’opin linnas on äijy koufeilua dai restoruanua. St’oppi suvaiččou kävvä sih koufeilah, kudamas kai on luajittu karjalazeh tabah. Sydämes koufeilu on kui karjalaine perti. Sit koufeilas voibi syvvä karjalastu syömisty. Mennyt suovattan St’oppi kävyi sih koufeilah tuatanke da muamanke, da sizärenke. St’oppi voitti karjalan kielen kilvas, kudai piettih linnas, sendäh vahnembat tahtottih hyvitellä poigua. Kai pereh lähti koufeilah.
Tuatto: Terveh teile! Kudamah stolah voibi istuokseh?
Tariččii: Tulgua täh stolah. Täs on syömisnevvolistu, olgua hyvät. Tuatto: Passibo.
Muamo (syömisnevvolistua kaččojes): Lapset, midä rubietto syömäh? Rubiettogo lohikeittuo?
St’oppi: Minä rubien. Minä suvaičen lohikeittuo.
In’a: Dai minä rubien lohikeittuo.
Tuatto: Otammogo saluattuagi?
St’oppi: Minule sit kapustusaluattu.
In’a: Minä rubien tomuattusaluattua.
Tulou tariččii. Tariččii: Hyviä ildua! Midä rubietto syömäh?
Tuatto: Olgua hyvä, nelli lohikeittuo. Myö otammo vie kaksi kapustusaluattua da kaksi tomuattusaluattua.
Tariččii: Rubiettogo midä juomah?
Muamo: Kaikile marjuvetty, olgua hyvä.
Tariččii tuou stolah suolua da pippurii. Kodvazen mendyy tuou syömizet da juomizet. St’opin pereh rubieu syömäh.
Muamo: Vikse pidäy jälgisyömistygi ottua. Lapset, midä rubietto jälgisyömizekse?
St’oppi da In’a (yhteh iäneh): Jiämaiduo da tönčöidy!
Muamo: Myö sit tatanke rubiemmo čuajuu keitinpiirualoinke.
Tulou tariččii. Tariččii: Viego midä zakažitto?
Tuatto: Olgua hyvä, kaksi jiämaiduo da kaksi tönčöidy. Sit vie kaksi čuaškua čuajuu da kaksi keitinpiiruadu.
St’oppi da In’a ruvetah syömäh jiämaiduo da tönčöidy, tuatto da muamo juomah čuajuu keitinpiirualoinke. Muamo ližiäy čuajuloih zuaharipeskuu da panou limonan. Tuatto ei pane čuajuloih zuaharipeskuu.
Tuatto (tariččijale): Olgua hyvä, tuogua čottu.
Tariččii: Täs on čottu, olgua hyvät.
Tuatto: Myö maksammo bankukartas. Tuatto maksau syömizis.
Tariččii ruokkiu stolan.
Kaikin: Passibo suuri! Kaikkie hyviä!
Tariččii: Kaikkie hyviä! Tulgua toiči!