Texts
Return to review | Return to list
Kumman talvi
history
January 19, 2023 in 14:14 Нина Шибанова
- created the text
- created the text: Se oli enzimäine lumi uvven vuvven jälles, da Muumipeigoi sidä ylen äijäl kummeksi. Lumitiähtyöt toine toizen peräh heityttih hänen lämmäle turbazele da sulettih. Häi tabaili niidy käbälih, ihaili kodvazen, häi kačoi ylähänpäi da nägi, kui net lennetäh turbastu vaste. Niidy rodih ainos vai enämbi da enämbi, pehmiedy da kebjiedy kui höyhendy. – Mugago sidä olettelou, mietti Muumipeigoi. – A minä duumaičin, ku lumi kazvau alahanpäi muaspäi! Ilmu muutui lämmembäkse. Lumihiudalehien periä ei nägynyh nimidä ymbäri, da Muumipeigoin valdai sama lumovus, kuduadu häi tunzi ainos kezäl meres kualajes. Häi heitti kylbyhaluatan piälpäi da čukeldihes piduhutten kivokseh. – Talvi! duumaičči häi. – Sidähäi voibi suvaija! Karjalakse kiändi natalja Sinitskaja