Texts
Return to list | edit | delete | Create a new | history | Statistics | ? Help
Zinaida Dubinina. ”Kalevala”
Zinaida Dubinina
”Kalevala”
Livvi
New written Livvic
"Kalevala ", "Kalevala ",
Oma
pajo , čoma sana .
Sie on tozi , sie on suarnu .
"Kalevala " meile sanou
Meijän rovun mennyös aijas ,
Viestin tuou , kui nämmil rannoil
Eli karjalaine rahvas .
Oldih rahvahan elaijas
Iloloile igäpäivät ,
Itkuvirzi – pahat mielet
Pajoloile – parembazet ,
Tuskilegi tuhmat päivät ,
Äijy abiedu aigastu .
Kevätvihmat tuldih suves ,
Pakkazet – pohjazis mualois ,
Tuulet – päivännouzupuoles ,
Päivänlaskus tuldih povvat .
Torat tuldih toizis mualois ,
Suuret tuskat tulles tuodih .
Puaksuh vierahilgi rannoil
Pandih piähyöt meijän miehet .
Kesti karjalaine rahvas ,
Kandoi Kalevalan heimo ,
Eläy ielleh omal rannal .
Anna Jumal ozua heile !
Ken ei puolistanne omua ,
Eigo auta pahal aijal ,
Pengou muadu , pengou kieldy ,
Paginua sanou pahakse ,
Mittuine on moizel hindu ?
Paha palku painajale ,
Nimi nimittelijäle .
”Kalevala”
Livvi
New written Livvic