Texts
Return to review | Return to list
Oma Karjal
history
January 19, 2023 in 15:50 Нина Шибанова
- created the text
- created the text: Oma Karjal! Tuhat kerdua päiväs minä omakse voin sanuo sinuu, lövvän muudu hyviä sanua äijän, vaiku voizit sinä kuulta minuu. Voitgo sanuo lujah oman sanan? Voitgo nostua oman pajon korgiel? Duumat meile oldanehgo samat, kaikil sinun tyttäril da poijil? Tusku nähtä hyllännytty muadu, abei kuulta vaiku vieras kieli. Vikse Jumal käski nenga ruadua, vaigo käsköy meijän oma mieli? Minun mieles eläy toine Karjal, mustan: voinuaigu oli jygei, lapsennu sie toizel mieron agjal duumu omas rannas oli magei. Buitogu vai omas Karjalas oli ainos vessel päivypasto, minun hierus, minun kodoilas tuuloihutgi oli ainos luaskau. Muarjumečät, kalakkahat järvet, vil’l’upellot, naizien valgiet paikat, kasteheinis meijän pienet jället – vikse ijäks’ hävitimmö kaiken? En nikedä ole minä vastah, vaiku kibieh koskou sinun huolet, kuibo auttua sinuu ielleh astuo, Karjal, minä olen sinun puolel.