Texts
Return to list
| edit | delete | Create a new
| Statistics
| ? Help
Aleksandr Volkov.
Karjalan järvet
genre: Lyric work
Source:
Ruppijeva J. V., Livvin opastuskniigu 8-9 kl., 2021, p. 48
Aleksandr Volkov
Karjalan järvet
Livvi
New written Livvic
Karjalan järvet – Vedoidu tävvet,
Mamizen silmät, Sinizet ilmat,
Armahat huulet, Suvizet tuulet,
Loittoine purjeh, Aldoloin burheh,
Keviälöin siähyöt, Talviloin jiähyöt...
Jiädy myö troppu – Mečikös loppu.
Karjalan järvet – Magiet dai kargiet,
Lähäl da loitton – Urhakon voitto,
Kuuttiloin matku – Vahingon jatko,
Neidizien pajot, Heboloin ajot…
Maguamah vieret – Ulvotah zvierit.
Igäine tusku,Jumalan usko.
Karjalan järvet, Niemet kui sarvet,
Suvaičus suaret – Buitekui suarnat,
Vongat dai lahtet, Kivilöil vuahtet,
Madalat luvvot, Pitkäčyt ruvvot.
Illačul nägyy: Sellälleh mägyöt,
Vihandu randu Taivahah pandu.
Jogiloin suulois Hyrineh kuuluu.
Lietemual kadai, Died’oloin abai,
Syömizen andai, Juomizen kandai.
Miehil on ruaduo Tuattoloin luaduh:
Verkot dai nuotat... Huondeksel vuotat
– Hobjastu kalua Veneheh valat.
Ijäs et särvä Karjalan järvii.
