Texts
Return to review | Return to list
Magei da tervehelline marjaine
history
January 20, 2023 in 13:01 Нина Шибанова
- created the text
- created the text: Karjalas enzimäzien marjoin joukos kypsenöy muur’oi. Sidä ruvetah keriämäh heinykuul. Kypsy muur’oin marjaine on oranžinvärine da pehmei, ruohku on kelduruskei da kova. Karjalazet sanotah kypsiä muur’oidu šl’uboikse libo l’uboikse. Täs marjas keitetäh varen’n’ua, pannah sidä piirualoin syväimekse. Muur’oidu voibi pidiä vies da sit se kodvan pyzyy hyvänny. Muur’oinmarjat ollah ylen hyvät tervehyökse. Niilöis on äijy vitamiinua. Suas grammas muur’oidu on kolmeh-nelläh kerdah enämbi C-vitamiinua, migu keskisuuruzes apelsiinas. С-vitamiinu on ylen tärgei ristikanzan tervehyökse. Se avvuttau kal’cien da ravvan sulatukses, voimattomale ristikanzale paranendas. Se lujendau verisuonii da on hyvä immunitietale. Olet kuulluh vikse sen, ku Karjalas muur’oin tuppiloi kuivatah čuajukse da juvvah rygimizes.