VepKar :: Texts

Texts

Return to list | edit | delete | Create a new | history | Statistics | ? Help

Zinaida Dubinina. Piäsköi

Zinaida Dubinina

Piäsköi

Livvi
New written Livvic
Keviän iänii tuuli kandau,
Vällät vedyöt järves läikkyy.

Lämmäs muaspäi piäsköi lendäy,
Ihaskoittau meidy kaikkii.

Terveh, linnut! Vahnoih pezih
Vuotammo jo teidy hätken.

Piäsköin nähtyy silmät peze,
Lendelet sit kezän kaiken.

Anna kebjieh jalgu kapsau,
Ei nikonzu vägi väzy,
Anna joga ruado rapsau,
Joga nero lähtöy käzis.

Vie, pajattajaine armas,
Anna kebjiembäzet mielet,
Hyväl tuulel olla ainos,
Pajatella ikkunpieles.