Texts
Return to list
| edit | delete | Create a new
| Statistics
| ? Help
Aleksandr Volkov.
Linnu da luondo
genre: Lyric work
Source:
Ruppijeva J. V., Livvin opastuskniigu 8-9 kl., 2021, p. 136-137
Aleksandr Volkov
Linnu da luondo
Livvi
New written Livvic
Kudžoimätäs on linnu,
Kivikallivot – koit.
Ajan pyhänpiän sinne –
Loitos linnaspäi – pois,
Kus on garbalo, buolu,
Sienimägi on sie.
Kus on leiby da suolu,
Ollah – armahat viet.
Kala ruvvos tien löydäy,
Minä kalastu suan.
Menen kylyzeh, löylyh –
Midä tahton – sen ruan.
Sie voi unohtua tuskat,
Luondoh sulata voi
Sinun mielizet mustat,
Kuduat linnaspäi toit.
Tulou sydämeh tiähti
–Pajuo, suarnastu kuan.
Kieldäy linnah päi lähtie
Oma – järviköi mua.
Minä tiijustin vaste,
Minä ellendin tiä:
Kusbo juamua myö astun,
Kusbo valeh on tiä?
