Texts

Oma mua

January 23, 2023 in 15:11 Нина Шибанова

created the text
created the text: Oma mua, en tiijä parembua nimidä. Lapsennu jo harjavuin suvaiččemah sidä. Tyynet meččyrannat, kohizijat kosket. Uduhizel huondeksel järvel airon loškeh. Ei pie linnoi minule, suurii dvorčii čomii. Parembua ei ole nämmii randoi omii. Elokas on randu, midä vai tiä eule. Mielen kere ottua, kylläl olis eluo. Vaiku pidiä kunnos, äbäzöijä muadu, Oman ičen hyväkse omal sijal ruadua. Ei pie mennä, nevvuo kaikkie suurdu mieruo, Pane oma vägi omah pieneh hieruh. Karjal olgah Karjalannu, kui se oli ijän. Suures muailmas se aino oma čuppu meijän. Kaikkien kere maltammo eliä hyväh luaduh. Vaiku mustuat: karjalazil eule tostu muadu.