Texts
Return to list | edit | delete | Create a new | history | Statistics | ? Help
Sem’onov P’otr . Nälgy
Sem’onov P’otr
Nälgy
Livvi
New written Livvic
Nälgy
lähti eččimäh syöttäjiä .Hätken käveli .Jälgimäi hänele vastah tuli muanruadai mies kirvehenke vyön al .Nälgy sanoi hänele :
– Muanruadai , ota minuu keräle .
– Läkkä , vastai muanruadai .
– A konzubo syötät minuu ? kyzyi nälgy .
Puolentostu vuvven peräs , vastai muanruadai .
– Mindähbo muga myöhä ? paheldui nälgy .
– Nygöi ajammo kasken . Tuliel keviäl vierrämmö palon , sen kynnämmö da sygyzyl kylvämmö rugehen , kudai vuvven peräs kazvau da andau jyviä , sellitti muanruadai .
– Sit minä en lähte sinun kel , sanoi nälgy da matkai iäres .
Nälläle vastah tuli kyndäi adranke olgupiäl .
– Kyndäi , ota minuu keräle , tariččihes nälgy .
– Läkkä , vastai kyndäi .
– Konzubo sinä syötät minuu ? kyzyi nälgy .
– Vuvven peräs , vastai kyndäi .
– Mindähbo muga myöhä ? diivihes nälgy .
– Pidäy kyndiä peldo , kylviä ruis da kazvattua uudine , sit se leikata da puija , saneli kyndäi .
– Ylen myöhä ! kirgai nälgy .– En lähte sinun kel .
Nälgy lähti ielleh .Hänele vastah astuu mužikku , kandau puuhistu pitkyvarzikangie .
– Kunnebo olet menemäs ? kyzyi nälgy .
– Menen ruistu aunuamah , vastai mužikku .
– Ota minuu kerale , tariččihes nälgy .
– Läkkä , vastai mužikku .
– Konzubo annat minule syvvä ? kyzyi nälgy .
– Puolen vuvven peräs , vastai mužikku .
– Mindähbo muga myöhä ? kyzyi nälgy .
– Liuhtehet pidäy aunata da vuottua , konzu loppietahes vihmat da rötät . Sit net pidäy vediä riiheh puidavakse .Puitut jyvät viškuo , hyvin tuulattua da vediä jauhottavakse , saneli aunuaju .
– Nenga hätkie minä en rubie vuottamah , kieldävyi nälgy , lähti ielleh i vastavui mužikan kel , kudai astui riiheh puimah .
– Puiju , ota minuu kerale , puaššihes nälgy .
– Läkkä , vastai puiju da vietti nällän riiheh .
– Avoi , kui äijy tiä on reduu da nogie ! pöllästyi nälgy .
– A konzubo annat syvvä ?
– Kuun peräs , vastai puiju .
– Se on ylen myöhä nengoman reduhizen ruavon jälles , sanoi nälgy da pageni riihespäi iäres .
Jälgimäi nälgy vastai pakiččijan .
– Ota minuu kerale , kyzyihes nälgy .
– Seizatu minun rinnale da oijenda käzi , nevvoi pakiččii .
– Tervähgo syötät minuu ? kyzyi nälgy .
– Kui terväh pandaneh sinun kämmenele leibypalaine dai kerras voit sen syvvä , vastai pakiččii .
Nälgy seizatui pakiččijan rinnale , oijendi käin da rubei vuottamah ...
Nälgy
Livvi
New written Livvic
–