Texts
Return to list | edit | delete | Create a new | history | Statistics | ? Help
Jakovlev Sergei . Uuši veneh
Jakovlev Sergei
Uuši veneh
Karelian Proper
New written karelian
Miehellä
tuli mieleh
Rakentua uuši veneh .
Mieš še ei ollun muitra ,
Ka vanha veneh jo hutra .
"Enšiksi veššän tullit .
Šattunou kova tuuli ,
Tullissa airo pisyy ,
Käsillä voimua lisyäy .
Vaikka ei ole tärkie –
Jo tulou minih alku ,
Toisekši – tätä ruatuo
Miula on kepiempi luatie ".
Smietti päivän ta toisen ,
Šiitä šänkyštä nousi .
Höyläsi tel’l’olauvat ,
Penturit , tullit , airot .
"Pitäis še lähtie meččäh
Kokora-puuta eččie ,
Šiitä vain lyyvvä lauvat –
Veneh jo tulou valmis ".
Ei šitä kovuan löytyn :
Yhtä on mavot šyöty ,
Toini on liijan viäntyn ,
Kolmaš – kahičči kiäntyn .
Vilu oli tai lämmin ,
Joka puoleh on käynyn .
Käveli koko kešän ,
Niin še as’s’a jäi kešen .
Vanhua venehtä hoiti ,
Tervalla reijät voiti .
"Kalalla käyn ta marjah –
Kyllä še vielä pärjyäy ".
Toičči varušša ennein
Vehkehet šuuret tai pienet .
Enšiksi kokora-puuta ,
Šiitä vain mitä muuta .
Uuši veneh
Karelian Proper
New written karelian