Texts
Return to review | Return to list
Poigad
history
January 30, 2023 in 11:19 Александра Родионова
- changed the title
from Pogad
to Poigad
January 30, 2023 in 11:18 Александра Родионова
- created the text
- created the text: Kaks’ akkad nousti vett kaivospiä. Sinnegi tuli kolmandž akk. Lähen heiš starik ištui laučal. Yks’ akk sanui: Minun poigaine on moine raved da vägev! Toine akk sanui, što hänen poig pajattau, ku linduine, nikel ei ole ninkošt iänt. A kolmandž akk oli vajeti. Mikš sina nimida ed sanu omas poigas, kyzyttih hänel toižed akad. Ka ei ole nimida minun poigas sanuda, vastazi akk heile. Akad täyttih omid rengid da lähtih kodih. Starik läksi heile myödaha. Akad astutah da azetutah, ku dygedad rengid painetah käded. Sil aigal kolme brihad d’uoksou heile vastah. Yks’ heiš kiändäu mukkid, toine pajattau, ku solobei-linduine. Kolmandž mäni muamalluo, otti dygedad rengid hänel da läksi kodihpiä. Siid akad kyzytäh starikal: Nägidgo meiden poigaižiid? Täs oli vaiku yks’ poig, ka toižiid mina en nähnu, vastazi starik.