Texts
Return to list | edit | delete | Create a new | history | Statistics | ? Help
Iisus kükseb prihaspäi pahan hengen
Iisus kükseb prihaspäi pahan hengen
Veps
37Konz
hö toižel päiväl laskihe mägelpäi , Iisusale vastha tuli sur’ rahvazkogo .
38Eraz mužik heikahti necen kogon keskes : "Opendai , minä pakičen sindai : tule kacmaha minun poigad .Hän om minun üksjaine laps’ !39Paha heng otleb händast käzihe . Hän ühtnägoi kidastaškandeb , i heng vedäb händast kokovicaks , miše vaht lähteb suspäi .Se lujas mokičeb händast i habi lähteb hänespäi .
40Pakičin sinun openikoid küksta sen , no hö ei voinugoi ."
41Siloi Iisus sanui : "Voi necidä uskmatont i segoinut rahvast ! Hätken-ik minei völ tarbiž olda teiden keskes i tirpta teid ?To poig tänna ."
42Konz priha tuleškanzi Iisusannoks , paha heng taci händast maha i vedi kokovicaks . No Iisus käski kovil sanoil paganale hengele lähtta prihalapsespäi , tegi prihan tervheks i andoi tataleze .
43Kaik čududelihe , konz nägištiba Jumalan suren vägen .
Iisus kükseb prihaspäi pahan hengen
Veps