VepKar :: Texts

Texts

Return to list | edit | delete | Create a new | history | Statistics | ? Help

Iisus piästäy sogien

corpus: Biblical texts

Source:
Uuzi Sana, 2003, p. 133

Jevangelii Iivanan mugah. 9.

Iisus piästäy sogien

Livvi
New written Livvic
1 Dorogupieles Iisus nägi ristikanzan, kudai oli sogei roindua myöte.

2 Opastujat kyzyttih Hänel: "Ravvi, kenbo azui riähkiä, ku häi on rodivunnuh sogiennu? Ičego häi vai hänen vahnembat"?

3 Iisus vastai: "Eigo häi, eigo hänen vahnembat. Muga pidi roija, ku Jumalan ruavot tuldas hänes nägevih.

4 Nygöi, kuni vie on päivy, meil pidäy ruadua sen ruadoloi, kudai minuu työndi. Tulou yö, i sit niken ei voi ruadua.

5 Kuni olen muailmas, minä olen muailman valgei".

6 Nämien sanoin sanottuu Iisus sylgi muah, luadii n՚olles da muas razmoin, voideli sil sogien silmät 7 da sanoi: "Mene Siloaman kezoikohtah da pezevy". – Siloam meikse on "työtty". – Mies meni, pezevyi i tuli siepäi nägijänny.

8 Sit miehen susiedat i toizetgi, kudamat enne nähtih händy da tiettih händy pakiččijannu, diivuittihes: "Eigo tämä ole se samaine mies, kudai istui pakiččemas"?

9 Yhtet sanottih: "Se samaine mies", a toizet sanottih: "Ei ole se, rožis vai koskeh häneh". No iče häi sanoi: "Minä olen se".

10 Hyö kyzyttih hänel: "Kuibo rubeit nägemäh"?

11 Häi vastai: "Se mies, kudamua kučutah Iisusakse, luadii muarazmoin, voideli sil minun silmät da sanoi: "Mene Siloaman kezoikohtah da pezevy". Minä menin da pezevyin, sit rubein nägemäh".

12 "Kusbo se mies on"? kyzyttih hänel, no häi vastai: "En tiijä".

Иоанн 9:1-12

Russian
1 И, проходя, увидел человека, слепого от рождения.

2 Ученики Его спросили у Него: Равви́! кто согрешил, он или родители его, что родился слепым?

3 Иисус отвечал: не согрешил ни он, ни родители его, но это для того, чтобы на нем явились дела Божии.

4 Мне должно делать дела Пославшего Меня, доколе есть день; приходит ночь, когда никто не может делать.

5 Доколе Я в мире, Я свет миру.

6 Сказав это, Он плюнул на землю, сделал брение из плюновения и помазал брением глаза слепому, 7 и сказал ему: пойди, умойся в купальне Силоам, что значит: посланный. Он пошел и умылся, и пришел зрячим.

8 Тут соседи и видевшие прежде, что он был слеп, говорили: не тот ли это, который сидел и просил милостыни?

9 Иные говорили: это он, а иные: похож на него. Он же говорил: это я.

10 Тогда спрашивали у него: как открылись у тебя глаза?

11 Он сказал в ответ: Человек, называемый Иисус, сделал брение, помазал глаза мои и сказал мне: пойди на купальню Силоам и умойся. Я пошел, умылся и прозрел.

12 Тогда сказали ему: где Он? Он отвечал: не знаю.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages