Texts

Return to review | Return to list

Iisus nostattau Luazarin

history

February 25, 2023 in 13:30 Нина Шибанова

• changed the text
  ¹ Eräs Luazari-nimelline mies oli voimatoi.^ Häi eli Vifanies, sit samazes kyläs, kus elettih Marija da sen sizär Marpu. ² Marija oli se samaine naine, kudai voideli Ižändän jallat hyväle tulijal pyhävoil da pyhkii net omil tukil, a voimatoi Luazari oli hänen velleh. ³ Luazarin sizäret työttih Iisusale viesti: «Ižändy, se kedä Sinä suvaičet, on voimatoi». ⁴ Sen kuultuu Iisus sanoi: «Ei tämä taudi ole kuolendakse, a on Jumalan kunnivokse: sen kauti Jumalan Poigu suau kunnivuo». ⁵ Iisus suvaičči Marpua da hänen sizärdy, dai Luazarii. ⁶ Konzu Häi sai viestin Luazarin voimattomuos, Häi jäi vie kahtekse päiviä sinne, kus sil aigua piädyi olemah. ⁷ Sen jälgeh Häi sanoi opastujile: «Lähtekkiämmö järilleh Juudieh». ⁸ Opastujat sanottih: «Ravvi, oletgo Sinä uvvessah sinne menos?^ Ammuigo jevreit tahtottih Sinuu kivittiä»! ⁹ Iisus sanoi heile: «Päiväs on kaksitostu čuassuu. Se, ken on päiväl liikkehel, ei öntästy, ku nägöy tämän muailman valgien. ¹⁰ No se, ken on liikkehel yöl, öntästeleh – eihäi hänes ičes ole valgiedu». ¹¹ Tämän sanohuu Iisus ližäi: «Meijän Luazari-velli uinoi, no minä lähten händy nostattamah». ¹² Opastujat sanottih: «Ižändy, ku häi liennöy uinonnuh, sit piäzöy». ¹³ Iisus pagizi Luazarin kuolendah näh, no opastujat toivottih, Häi pagizou maguandah näh. ¹⁴ Sikse Iisus sanoi kohti: «Luazari on kuolluh. ¹⁵ Teijän täh olen hyväs mieles, ku en olluh sie.^ Läkkiä hänen luo.^ Midä sie rodieu, se lujendau teijän uskuo». ¹⁶ Sit Homa, kudamua vie toizin sanottih Didimoksekse, sanoi toizile opastujile: «Läkkiä, myögi kuolemmo yhtes Hänenke». ¹⁷ Konzu Iisus piäzi perile, Hänele sanottih: «Luazari jo n՚elläs päivy on muas». ¹⁸ Vifanii oli lähäl Jerusalimua, nenga viijentostu stadionana piäs, ¹⁹ i äijy jevreidy oli tulluh urostamah Marpua da Marijua vellen kuolenduigävis. ²⁰ Ku Marpu sai kuulta Iisusan tulendah näh, häi lähti Hänele vastah, a Marija istui kois. ²¹ Marpu sanoi Iisusale: «Ižändy, ku olluzit tiä, velli ei kuollus. ²² No nygöigi tiijän – Jumal andau Sinule kai, midä vai pakinnet». ²³ Iisus sanoi: «Velles nouzou kuollieloispäi». ²⁴ Marpu vastai: «Tiijän, häi nouzou jälgimäzenny päivänny, kuollieloisnouzendupäivänny». ²⁵ Iisus sanoi: «Minä olen kuollieloisnouzendu dai elos.^ Ken uskou minuh, se eläy, hos i kuollou,| ²⁶ i ni yksi, ken eläy da uskou minuh, ilmazes ijäs ei kuole. Uskotgo tämän»? ²⁷ «Uskon, Ižändy», vastai Marpu, «minä uskon – Sinä olet Messii, Jumalan Poigu, kudamale oli lepitty tulla muailmah». ²⁸ Tämän sanottuu Marpu lähti, kučui Marija-sizärdy i peitoči sanoi: «Opastai on tiä i kuččuu sinuu». ²⁹ Tämän kuultuu Marija kerras nouzi i lähti Iisusan luo. ³⁰ Iisus ei vie tulluh kyläh, a viegi oli sie, kus Marpu Händy nägi. ³¹ Konzu jevreit, kudamat oldih Marijanke pertis urostamas händy, nähtih, kui Marija kerras nouzi da lähti pihale, hyö lähtiettih hänele peräh.^ Hyö smietittih häi menöy kalmale itkemäh. ³² Konzu Marija tuli sinne, kus oli Iisus, i nägi Händy, häi heityi Hänele jalgoih i sanoi: «Ižändy, ku olluzit tiä, minun velli ei kuollus». ³³ Ku Iisus nägi Marijua itkemäs i hänenke tulluzii jevreilöi sežo itkemäs, se Händy liikutti syväinjuurii myö. ³⁴ Häi kyzyi: «Kusbo on hänen kalmu»? «Ižändy, tule kaččomah», vastattih hyö. ³⁵ Iisus itki. ³⁶ Jevreit sanottih: «Kačokkua, min armahus oli Hänele Luazari»! ³⁷ No erähät heis sanottih: «Ku Häi avai sogien silmät, eigo voinnus vastustua Luazarin surmua»? ³⁸ Suures pahas mieles Iisus tuli Luazarin kalmale. Se oli kallivon kolo, kudaman suus oli kivi. ³⁹ «Otakkua kivi iäre», käski Iisus, no Marpu, kuolluon sizär, sanoi Hänele: «Ižändy, häi jo kuariččou, jo n՚elläs päivy on sie». ⁴⁰ Iisus vastai: «Engo sanonuh sinule: ku uskonet, sit suat nähtä Jumalan taivahallizen väin»? ⁴¹ Kivi otettih iäre kolon suuspäi. Iisus nosti silmät yläh da sanoi: «Tuatto, minä kiitän Sinuu, ku kuulet minuu. ⁴² Minä tiijän, Sinä kuulet minuu ainos, no sanoin tämän ymbäri seizojien rahvahien täh, ku hyö uskottas: minä olen Sinun työtty». ⁴³ Tämän sanottuu Iisus kirgai äijäl: «Luazari, tule iäre siepäi»! ⁴⁴ Kuolluh tuli kalmaspäi, jallat da käit sidielöis, rožat paikal katetunnu. Iisus sanoi: «Keritäkkiä händy, anna häi menöy».

February 25, 2023 in 12:47 Нина Шибанова

• created the text
• created the text translation
• created the text: ¹ Eräs Luazari-nimelline mies oli voimatoi. Häi eli Vifanies, sit samazes kyläs, kus elettih Marija da sen sizär Marpu. ² Marija oli se samaine naine, kudai voideli Ižändän jallat hyväle tulijal pyhävoil da pyhkii net omil tukil, a voimatoi Luazari oli hänen velleh. ³ Luazarin sizäret työttih Iisusale viesti: «Ižändy, se kedä Sinä suvaičet, on voimatoi». ⁴ Sen kuultuu Iisus sanoi: «Ei tämä taudi ole kuolendakse, a on Jumalan kunnivokse: sen kauti Jumalan Poigu suau kunnivuo». ⁵ Iisus suvaičči Marpua da hänen sizärdy, dai Luazarii. ⁶ Konzu Häi sai viestin Luazarin voimattomuos, Häi jäi vie kahtekse päiviä sinne, kus sil aigua piädyi olemah. ⁷ Sen jälgeh Häi sanoi opastujile: «Lähtekkiämmö järilleh Juudieh». ⁸ Opastujat sanottih: «Ravvi, oletgo Sinä uvvessah sinne menos?^ Ammuigo jevreit tahtottih Sinuu kivittiä»! ⁹ Iisus sanoi heile: «Päiväs on kaksitostu čuassuu. Se, ken on päiväl liikkehel, ei öntästy, ku nägöy tämän muailman valgien. ¹⁰ No se, ken on liikkehel yöl, öntästeleh – eihäi hänes ičes ole valgiedu». ¹¹ Tämän sanohuu Iisus ližäi: «Meijän Luazari-velli uinoi, no minä lähten händy nostattamah». ¹² Opastujat sanottih: «Ižändy, ku häi liennöy uinonnuh, sit piäzöy». ¹³ Iisus pagizi Luazarin kuolendah näh, no opastujat toivottih, Häi pagizou maguandah näh. ¹⁴ Sikse Iisus sanoi kohti: «Luazari on kuolluh. ¹⁵ Teijän täh olen hyväs mieles, ku en olluh sie.^ Läkkiä hänen luo.^ Midä sie rodieu, se lujendau teijän uskuo». ¹⁶ Sit Homa, kudamua vie toizin sanottih Didimoksekse, sanoi toizile opastujile: «Läkkiä, myögi kuolemmo yhtes Hänenke». ¹⁷ Konzu Iisus piäzi perile, Hänele sanottih: «Luazari jo n՚elläs päivy on muas». ¹⁸ Vifanii oli lähäl Jerusalimua, nenga viijentostu stadionana piäs, ¹⁹ i äijy jevreidy oli tulluh urostamah Marpua da Marijua vellen kuolenduigävis. ²⁰ Ku Marpu sai kuulta Iisusan tulendah näh, häi lähti Hänele vastah, a Marija istui kois. ²¹ Marpu sanoi Iisusale: «Ižändy, ku olluzit tiä, velli ei kuollus. ²² No nygöigi tiijän – Jumal andau Sinule kai, midä vai pakinnet». ²³ Iisus sanoi: «Velles nouzou kuollieloispäi». ²⁴ Marpu vastai: «Tiijän, häi nouzou jälgimäzenny päivänny, kuollieloisnouzendupäivänny». ²⁵ Iisus sanoi: «Minä olen kuollieloisnouzendu dai elos.^ Ken uskou minuh, se eläy, hos i kuollou,| ²⁶ i ni yksi, ken eläy da uskou minuh, ilmazes ijäs ei kuole. Uskotgo tämän»? ²⁷ «Uskon, Ižändy», vastai Marpu, «minä uskon – Sinä olet Messii, Jumalan Poigu, kudamale oli lepitty tulla muailmah». ²⁸ Tämän sanottuu Marpu lähti, kučui Marija-sizärdy i peitoči sanoi: «Opastai on tiä i kuččuu sinuu». ²⁹ Tämän kuultuu Marija kerras nouzi i lähti Iisusan luo. ³⁰ Iisus ei vie tulluh kyläh, a viegi oli sie, kus Marpu Händy nägi. ³¹ Konzu jevreit, kudamat oldih Marijanke pertis urostamas händy, nähtih, kui Marija kerras nouzi da lähti pihale, hyö lähtiettih hänele peräh.^ Hyö smietittih häi menöy kalmale itkemäh. ³² Konzu Marija tuli sinne, kus oli Iisus, i nägi Händy, häi heityi Hänele jalgoih i sanoi: «Ižändy, ku olluzit tiä, minun velli ei kuollus». ³³ Ku Iisus nägi Marijua itkemäs i hänenke tulluzii jevreilöi sežo itkemäs, se Händy liikutti syväinjuurii myö. ³⁴ Häi kyzyi: «Kusbo on hänen kalmu»? «Ižändy, tule kaččomah», vastattih hyö. ³⁵ Iisus itki. ³⁶ Jevreit sanottih: «Kačokkua, min armahus oli Hänele Luazari»! ³⁷ No erähät heis sanottih: «Ku Häi avai sogien silmät, eigo voinnus vastustua Luazarin surmua»? ³⁸ Suures pahas mieles Iisus tuli Luazarin kalmale. Se oli kallivon kolo, kudaman suus oli kivi. ³⁹ «Otakkua kivi iäre», käski Iisus, no Marpu, kuolluon sizär, sanoi Hänele: «Ižändy, häi jo kuariččou, jo n՚elläs päivy on sie». ⁴⁰ Iisus vastai: «Engo sanonuh sinule: ku uskonet, sit suat nähtä Jumalan taivahallizen väin»? ⁴¹ Kivi otettih iäre kolon suuspäi. Iisus nosti silmät yläh da sanoi: «Tuatto, minä kiitän Sinuu, ku kuulet minuu. ⁴² Minä tiijän, Sinä kuulet minuu ainos, no sanoin tämän ymbäri seizojien rahvahien täh, ku hyö uskottas: minä olen Sinun työtty». ⁴³ Tämän sanottuu Iisus kirgai äijäl: «Luazari, tule iäre siepäi»! ⁴⁴ Kuolluh tuli kalmaspäi, jallat da käit sidielöis, rožat paikal katetunnu. Iisus sanoi: «Keritäkkiä händy, anna häi menöy».