Texts
Return to list | edit | delete | Create a new | history | Statistics | ? Help
Toven Hengi
Toven Hengi
Livvi
New written Livvic
"Aijemba
en paissuh täh näh , ku iče olin teijänke .
5 No nygöi minä menen sen luo , ken minuu työndi . Niken teis ei kyzy , kunne minä menen ,
6 no teil on paha mieli sendäh , midä teile sanoin .
7 No minä sanon teile toven : teile roih hyväkse , ku minä lähten iäre . Ku en lähtene , Puolistai ei voi tulla teijän luo .No iäre lähtiettyy minä työnnän Hänen teijän luo , 8 i Häi tulou i ozuttau muailmale , mi on riähky , mi on oigei da mi on suudo .9 Riähky on sit , ku rahvas ei uskota minuh ; 10 oigei tulou nägevih sit , ku menen Tuatan luo , i työ etto enämbi näi minuu ; 11 i suudo on sit , ku tämän muailman piämies on jo suudittu .
12 Vie minul olis äijy teile sanottavua , no työ vie etto voi ottua sidä vastah .
13 Konzu Toven Hengi tulou , Häi opastau teidy tundemah kaiken toven . Häi ei pagize omas nimes , a midä kuulou , sidä pagizou , i mi on tulos , sidä sanelou .
14 Häi ylendäy minuu , ku sen , min teile sanou , suau minuspäi .
15 Kai se , mi on Tuatan , on minungi . Sendäh sanoin : Häi suau minuspäi sen , min teile sanou .
16 Kodvazen peräs työ etto enämbi näi minuu , i vie kodvazen peräs työ tuaste näittö minuu ".
Toven Hengi
Livvi
New written Livvic