Texts
Return to review | Return to list
Ojaine
history
March 01, 2023 in 14:08 Нина Шибанова
- created the text
- created the text: Uvun valpastunnuon huondes Karkottelou sagien. Hukku hattardau, suu vuahtes, Myöte heinän sängie. A kodiniemen kainalos Ojanrannan särkyl Varavan taloin ainavon Pihas hyppiy sälgy. Rouno huttupada kiehuu Puarmoin hirvies karrus. Koski kiihtynyönny kuohuu Kattilannu karun. Gu meri huondeszor’aine, On taivas sinine, Čurčettau sen ual ojaine Rannikos kivizes. A keviäl suuren vien aigah, Vägie suittanuh, Oja ladvas ojansuuh sah On rannat uittanuh. Buito kirkei uuhi viidus Kruappiheze yläh, Kougeloittai n’okoh-šniidoi, Heittäheze alah. Kunne viennet, n’okoh pitky, Puskenuh sammaldu, Alavan reheviä niittyy, Kanabruo, suomuadu?