Texts

Return to review | Return to list

Iisus ozuttahes opastujile Tiberienjärvel

history

March 02, 2023 in 15:20 Нина Шибанова

• changed the text
  ¹ Jälles tädä Iisus uvvessah ozuttihes opastujile, nygöi Tiberienjärvel. Se oli nenga: ² Sie oldih yhtes Simon-Pedri, Homa, kudamua sanottih Didimoksekse, Natanailu Galilein Kuanaspäi, Zevedein poijat da kaksi muudu Iisusan opastujua. ³ Simon-Pedri sanoi: «Minä lähten kalah». «Myö lähtemmö sinunke», sanottih toizet. Hyö lähtiettih i mendih veneheh, no sinä yönny hyö ei suadu nimidä. ⁴ Päivännouzunke Iisus seizoi rannas, no opastujat ei tundiettu Händy. ⁵ Iisus kirgui heile: «Lapset! Ongo teil midätahto syödäviä»? «Ei ole», vastattih hyö. ⁶ Iisus sanoi: «Laskekkua verko venehen oigiele puolele, sit suatto». Hyö laskiettih verko, vai ei voidu nostua sidä veneheh, ku kalua tuli muga äijy. ⁷ Sit se opastui, kudai oli Iisusale armas, sanoi Pedrile: «Se on Ižändy»! Ku Simon-Pedri kuuli, se on Ižändy, häi punaldi landehis ymbäri sovan, ku oli alasti, da hyppäi vedeh. ⁸ Toizet opastujat tuldih randah venehel da viettih peräs verkuo, kudai oli täyzi kalua, hyö, näit, ei oldu loitton rannaspäi, vai nenga kahten suan käzivarren piäsg. ⁹ Randah nostuu opastujat nähtih hiilil kalua pastumas, da leibiä. ¹⁰ Iisus sanoi heile: «Tuogua tänne kalua, kudamua vaste saitto». ¹¹ Simon-Pedri meni veneheh i vedi verkon randah.^ Se oli täyzi suurdu kalua, kaikkiedah sada viizikymmen kolme, no hos kalua oli muga äijy, verko ei revinnyh. ¹² Iisus sanoi: «Tulgua syömäh». Niken opastujis ei ruohtinuh kyzyö: «Kenbo Sinä olet»?, ku hyö tiettih: tämä on Ižändy. ¹³ Iisus tuli, otti leivän da andoi heile, dai kalua andoi. ¹⁴ Tämä oli jo kolmas kerdu, ku kuollieloispäi nostuu Iisus ozuttihes opastujile.

March 02, 2023 in 14:18 Нина Шибанова

• created the text
• created the text translation
• created the text: ¹ Jälles tädä Iisus uvvessah ozuttihes opastujile, nygöi Tiberienjärvel. Se oli nenga: ² Sie oldih yhtes Simon-Pedri, Homa, kudamua sanottih Didimoksekse, Natanailu Galilein Kuanaspäi, Zevedein poijat da kaksi muudu Iisusan opastujua. ³ Simon-Pedri sanoi: «Minä lähten kalah». «Myö lähtemmö sinunke», sanottih toizet. Hyö lähtiettih i mendih veneheh, no sinä yönny hyö ei suadu nimidä. ⁴ Päivännouzunke Iisus seizoi rannas, no opastujat ei tundiettu Händy. ⁵ Iisus kirgui heile: «Lapset! Ongo teil midätahto syödäviä»? «Ei ole», vastattih hyö. ⁶ Iisus sanoi: «Laskekkua verko venehen oigiele puolele, sit suatto». Hyö laskiettih verko, vai ei voidu nostua sidä veneheh, ku kalua tuli muga äijy. ⁷ Sit se opastui, kudai oli Iisusale armas, sanoi Pedrile: «Se on Ižändy»! Ku Simon-Pedri kuuli, se on Ižändy, häi punaldi landehis ymbäri sovan, ku oli alasti, da hyppäi vedeh. ⁸ Toizet opastujat tuldih randah venehel da viettih peräs verkuo, kudai oli täyzi kalua, hyö, näit, ei oldu loitton rannaspäi, vai nenga kahten suan käzivarren piäsg. ⁹ Randah nostuu opastujat nähtih hiilil kalua pastumas, da leibiä. ¹⁰ Iisus sanoi heile: «Tuogua tänne kalua, kudamua vaste saitto». ¹¹ Simon-Pedri meni veneheh i vedi verkon randah.^ Se oli täyzi suurdu kalua, kaikkiedah sada viizikymmen kolme, no hos kalua oli muga äijy, verko ei revinnyh. ¹² Iisus sanoi: «Tulgua syömäh». Niken opastujis ei ruohtinuh kyzyö: «Kenbo Sinä olet»?, ku hyö tiettih: tämä on Ižändy. ¹³ Iisus tuli, otti leivän da andoi heile, dai kalua andoi. ¹⁴ Tämä oli jo kolmas kerdu, ku kuollieloispäi nostuu Iisus ozuttihes opastujile.