Texts
Return to review | Return to list
Ruočči-Mat’t’i
history
March 14, 2023 in 16:12 Нина Шибанова
- created the pages of the source: 166-167
March 10, 2023 in 21:03 Нина Шибанова
- created the title of the source: Образцы карельской речи. I. Говоры Республики Карелии, тихвинских и тверских карел
March 10, 2023 in 21:00 Нина Шибанова
- created the text
- created the text: Ol’igo teil’ä paja, vai ei ollut? Ol’i miän kyl’äššä paja da i main’ivon šeppä. Kemba ol’i šeppä? Ol’igo mistä? Paikkalan’i, paikkalan’i. Mistä se ol’i main’ivo? Nu ka hän ol’i, yl’en tarka maast’eri. Še laad’i viikatehta tago. Še panou t’eräkšen kahešta palašta viikattehen. Panou t’er... tämän hamaran panou, hien... täštä, pehmieštä ravašta. A l’eikkaajah puol’i pan’i stal’ie, juotti. Še laad’i kakšintoista, viiz’intoista viikattehin päiväh. Nu molotoboitsanke ol’i, yl’en hyvä šeppä ol’i. Paadanešta šuade kävel’dih, Sel’l’istä šaade t’iel’dä. Kaikkiella ol’i hyvä. A toin’i Rugarvešš ol’i šeppä še, še händä kučuttih n’i kui ”ruočči”. Ei še ol’i ruočči, vot, šuomelan’i še ol’i. No n’i še laad’i piššal’ie daaže, ravašta piššal’ie laad’i, piššal’it kaiken kohendi da i, i laad’i piššal’iloi n’iidä n’iuhoja laad’i. Väl’l’ie laad’i. Ka kaivo loukkua kui l’ienöö s’ii stvolakši. I kaiken laad’i, il’i kel’l’ä muren’i piššal’i s’ih, Ruočči-Mat’ikši kučuttih, s’ih n’i hänel luo i käydih. Nečidä piššal’ie laitti.