Texts
Return to list | edit | delete | Create a new | history | Statistics | ? Help
Rahad ei olgoi elon päazj
Rahad ei olgoi elon päazj
Veps
13Eraz
mez’ rahvazkogospäi sanui Iisusale : «Opendai , sanu minun vellele , miše hän jagaiži tatan jäl’gestusen minunke .»
14Iisus sanui sille mehele : «Olen-ik minä pandud tänna , miše olda teiden sudjan vai jagajan ?»
15Sid’ hän sanui heile kaikile : «Kackat , varaikat ažlakut , sikš ku mehen elo ei ripu hänen bohatusespäi .»
16I hän sanui heile ozoitezstarinan : «Oli elokaz mez’ , kudamban pöudol kazvoi äi hüväd villäd . 17Hän meleti : „Midä tegižin ? Kuna minä mülütaižin necen villän ?“
18Hän sanui : „Minä tegen muga : murendan aitad i tegen niiden sijale surembad . Sinna minä keradan kaiken villän i kaiken toižen-ki minun kodielon .19Sid’ sanun ičelein : Sinai om nügüd’ kaiked ! Kaiked hüväd om pandud varha äjikš vozikš .Lebaite nügüd’ , sö , jo i ihastu !“
20No Jumal sanui hänele : „Voi sinä , meletoi ! Necil öl sinun heng ottas .I kenele jäb se , min oled pannu varha ?“
21Muga linneb kaikuččele , ken keradab bohatust ičeleze , no kenel ei ole bohatust Jumalanno .»
Rahad ei olgoi elon päazj
Veps
Лука 12:13-21
Russian
14
15
18