Texts
Return to list | edit | delete | Create a new | history | Statistics | ? Help
Balakirev Nikolai. Aiga školah
Balakirev Nikolai
Aiga školah
Karelian Proper
New written Tver
1 sent’abr’a
vuoži 1942, huomneš , čirone šiä , šeiččimen vuožine brihane Vas’a istuu ikkunan vierošša , kaččou pihah . Hänen muamo h on ruavolla pellošša , Mar’u -buabo šopešša pežöy ašteida , nuoremmat Vas’ua lapšet vielä muatah .
Ikkunašta Vas’alla nägyy , kuin kylän uuliččua myöt’ školah päin kopitetah lapšet .Ka i Ledikkä , Vas’an tovarissa , kettäy sumkanke .Ikkunoin kohtah pietty i napri viheldämäh , kuččumah ristivellie , kumbazenke vielä eglein oli paistu , što enžimen kerdua yheššä lähtietäh školah .Vas’a ei ožuttuačen Ledikällä , peitty prostenkan tagah .Ledikkä svistaičči , svistaičči i uidi .Kodvin jälgeh uuličča tyhjeni , vain puolikymmendä kanua kuobiečettih dorogalla .
Mar’u -buabo Vas’alla šopešta :
– Šie mintän školah et mäne ?Jo učennikat ammuin proijittih .
– En lähe školah , – vaštah buabolla burahti vunukka .
– Kuin näin , et lähe ? Kaiken talven susiedan N’ušanke kizaitta učiitel’oida da učennikoida , jo vet’ i lugie mahat paremmin milma , a nyt kun tožieh lieni aiga školah kävellä nin "en lähe ".
– En lähe školah , hormakši en maha paissa .
– Ših varoin i opaššetah , štobi mahtazit , – Mar’u šiändy , – Missä on turbačču , kumbazen muamo š šiula školah varoin koššošta ombeli ?
– En tiijä , – Vas’a rubei nyyčkämäh .
– Peitit ?! – Mar’u fatti pal’čalda "Букварь для малограмотных ", kummas’t’a myöt’ ičeh opaštu lugomah ennen izba -čital’n’ašša , toizella kiällä otti Vas’an kiäštä . – Hylgiä höblisteliečie , aššu školah .
I lähtei buabo vunukanke kengättä pölyömäh dorogua myöt’ školah päin .Tuldih .Školan ikkunat rissikkeh klejutuot bumuaga lentazilla .Pihalla nikedä .Mändih karidorah i karidora tyhjä .Kluassoissa kuulutah učiitel’nicoin iänet .Mar’u -buabo iändä myöt’ arvai Zinaida Ivanovnan kluassan , avualdi šinne oven , läpšäi Vas’ua "Bukvarilla " piädä vaš i jahkualdi kluassah .
Ka i bul’ahti Vas’a mereh tieduo .
* * *
Äijä vuotta proidi šiidä šua . Ynnäh vanheni Mar’u , harvah i pihalla viidiy , kaikki valdilma hänen ikkunašša .Ka i tänä huomnekšena istuu hiän ikkunan vierošša , kaččou , midä pihalla ruaduačou .A pihalla uudeh školah äijä lašta mänöy .Kaikin hyvissä šuorivoloissa , käzissä kukat , tyttözillä tukissa valgiet bantat , suamo pienembie nuoret muamot käzissä pietäh .
– O -oh ! Tänä piänä vet’ on 1 sent’abr’a , – kekši akkane i muhahti , kuin voinan aigah tänä piänä šuatto vunukkua školah ...Jygiezešti hengähti : missä , kumbazissa merilöissä täh aigah ollou hänen Vas’a omanke korablinke .
A vet’ konž ollou hiän opašti vunukkua ei varata šyviä vettä .Toko noštau helman , ottau brihazen i viey šyvembäzeh jogeh , pidelöy alahada , že bringuttau jalloilla , käzillä – uiččou .Viizi vuuvutta hänellä oli , a jo hyvin uijekšeli .
– O -ho -ho , Vas’a , Vas’a , piäžet go šie merilöistä hot’ milma kätkömäh ? – akkane pyyhäldi paikan lepšolla kyynelillä täydynnyöt šilmät .
Aiga školah
Karelian Proper
New written Tver
–
Balakirev Nikolai
Пора в школу
Russian
–