Texts
Return to list | edit | delete | Create a new | history | Statistics | ? Help
Irina Novak. Bel’akov Mihail F’odorovič (1926–1993)
Irina Novak
Bel’akov Mihail F’odorovič (1926–1993)
Karelian Proper
New written Tver
Miun
diedo Bel’akan Miša (kuin händä kučču kylöveh ) šyndy 29.pimiekuuda vuodena 1926 karielazešša pereheššä Šalo -kyläššä (Tverin Kariela ).Diedo hyvin lopetti šeiččimen kluassua .Voinah hänen otettih 4.talvikuuda vuodena 1943.Diedo vojuičči Leningradan frontalla Viborga -linnan rannalla .Šielä hiän vaštai oman susiedan .Diedo oli ruanittu , kontuzittu .Händä lečittih T’umen’ -linnašša .Gospitalin jälgeh hiän vojuičči Virošša 359:nneššä ammunda polkašša , oli piisarina da ad’jutantana .Tallinnan eläjät piettih händä omana , žentäh kuin hyö hyvin maltettih hänen karielan kielistä paginua .Voittoh näh diedo tiijušti Tallinnašša , ših aigah hiän oli nuorena seržantana .
Kodih diedo tuli vašta vuodena 1947 da talvikuušša naičči .Heilä Katja -buabonke šyndy viizi lašta : nellä tytärdä da nuorembi poiga – miun tuatto .
Voinan jälgeh diedo opaštu traktoristakši da kombain’orakši , ruado Kozlovan MTS :šša , vuuvešta 1954 ruado Majak -kolhozašša .Hiän oli ylen hajukkahana miehenä , enžimäzenä ruado uužilla traktoroilla da mašinoilla , opašti toizie .
Vuodena 1977 diedo polučči Zа Pobedu nad Germanijei -medalin , kumbazen hänellä annettih vielä 8.oraškuuda vuodena 1945.Vuodena 1993 hiän polučči Otečestvennoi voini vtoroi stepeni -ordenan .25. talvikuuda diedo kuoli .
Šiidä šuat mäni jo 30 vuotta , ka mie hyvin muissan kuin diedo šoitti šoitulla da hyvin kizai balalaikalla , a hänen pikkarane Džek -koira laulo .Džek ylen šuačči dieduo .Konža dieduo kätkiettih , Džekua ei otettu kalmismualla , ka hiän iče tuli šinne .A kalmismua on kahekšašša kilometrašša Šalošta .Koira itki kuin ristikanža , ei tahton uidie kalmalda ...
Diedo ei ylen šuannun paissa voinah näh , muissuttua tädä oli jygie ...
Passibot šiula voitošta , Miša -diedo !
Bel’akov Mihail F’odorovič (1926–1993)
Karelian Proper
New written Tver