Texts
Return to list | edit | delete | Create a new | history | Statistics | ? Help
Iisus tegeb tervheks naižen sobatan
Iisus tegeb tervheks naižen sobatan
Veps
10Iisus
oli sobatan ühtes suimpertiš opendamas .
11Sigä oli naine , kudambad kahesatoštkümne vot mokiči paha heng . Heng tegi händast läžujaks , muga miše händast vedi kokovicaks , i hän ei voind oigeta sel’gäd .
12Nägištades naižen Iisus kucui händast ičezennoks i sanui : «Sinä oled terveh ičeiž kibuspäi .»
13Hän pani käded naižen päle , i naine sid’-žo oigenzi sel’gän i ülenzoitaškanzi Jumalad .
14Suimpertin pämez’ verdui , miše Iisus tegi tervheks sobatan . Hän sanui kaikile , ked sigä oliba : «Nedališ om kuz’ päiväd , konz voib rata .Tulgat siloi , miše tehtas tervhikš , a ei sobatan .»
15Ižand sanui hänele : «Sinä , koiverdelii ! Ei-ik kaikutte teišpäi pästa sobatan ičeze härgad vai oslad kütkespäi i ve sidä jomha ?16Necen Avraaman tütren soton pidi sidegiš kahesatoštkümne vot . Ei-ik händast sanu pästta valdale sobatan ?»
17Iisusan vastustajile tegihe huiged , konz hö kulištiba nene sanad , a rahvaz oli ihastusiš neniš suriš tegoišpäi , kudambid Iisus tegi .
Iisus tegeb tervheks naižen sobatan
Veps