Texts
Return to list | edit | delete | Create a new | history | Statistics | ? Help
Pedri da Iivan Samaries
Pedri da Iivan Samaries
Livvi
New written Livvic
14 Konzu
Jerusalimas olijat apostolat kuultih , gu samarielazet otettih Jumalan sana iččeh , hyö työttih Pedrii da Iivanua heijän luo . 15 Sinne tulduu nämä miehet molittihes samarielazien puoles , ku net suadas Pyhä Hengi .
16 Hengi , näit , vie ei heittynyh nikeh heis , heidy vai oli ristitty Ižändän Iisusan nimeh .
17 Sit Pedri da Iivan pandih käit heijän piäle , i hyö suadih Pyhä Hengi .
18 Konzu Simon nägi , gu net , kenen piäle apostolat pandih käit , suadih Pyhä Hengi , häi taričči heile d՚engua 19 da sanoi : "Annakkua minulegi moine valdu , ku kenen piäle pannen käit , se suau Pyhän Hengen ".
20 No Pedri sanoi hänele : "Hävittähes sinun d՚engat yhtes sinunke , ku smietit Jumalan lahju voibi ostua d՚engah .
21 Tämä dielo ei ole sinuh niškoi , ku sinun syväin ei ole oigei Jumalan ies .
22 Kiänny iäre täs sinun pahuos da molei Ižändäle . Toinah Häi prostiu sinule tämän sinun sydämen duuman .23 Minä näin , sinus on mavon vihua , i viärys sidou sinuu ".
24 Sit Simon sanoi : "Moliettokseh minun puoles Ižändäle , ku minule ei rodies nimidä mostu , mis pagizetto ".
25 Sit ku apostolat nenga levitettih sie Ižändän sanua da sanottih tozi Häneh näh , hyö lähtiettih järilleh Jerusalimah da saneltih jevangeliedu äijis Samarien kylis .
Pedri da Iivan Samaries
Livvi
New written Livvic