Texts

Return to review | Return to list

Saulan kiändymine

history

May 31, 2023 in 12:17 Нина Шибанова

• changed the text
  ¹ Saulu ainos vie kuohui vihas da varaitteli surmal Ižändän opastujii. Häi meni ylimäzen papin luo ² da kyzyi, ku se kirjuttas Damaskan sinagougih kirjazet, kudamat annettas hänele valdu ottua kiini tämän Doroganjnoudajii miehii da naizii, kaikkii, kedä vai löydänöy, da tuvva heidy Jerusalimah. ³ Matkal, konzu Saulu oli jo lähäl Damaskua, taivahaspäi vuottamattah läimähtih valgei hänes ymbäri. ⁴ Häi pakui muale da kuuli, kui iäni sanoi: «Saulu, Saulu, midäbo vihuat minuu»? ⁵ Saulu kyzyi: «Ižändy, kenbo Sinä olet»? Iäni vastai: «Minä olen Iisus, kudamua sinä vihuat. ⁶ Nouze da mene linnah. Sie sinule sanotah, midä sinul pidäy ruadua». ⁷ Saulanke matkuajat miehet seizottih vaikkani.^ Hyö kuultih iäni, vai ei nähty nikedä. ⁸ Saulu nouzi muas, no konzu avai silmät, ei nähnyh nimidä.^ Händy viedih Damaskah käis viettäjen. ⁹ Kolme päiviä häi ei nähnyh nimidä, ei syönnyh, eigo juonnuh. ¹⁰ Damaskas oli Ananii-nimelline opastui. Hänele oli nägy, kudamas Ižändy sanoi: «Ananii»! «Täs olen, Ižändy», vastai se. ¹¹ Ižändy sanoi: «Mene uuličale, kudamua sanotah Oigiekse uuličakse, da Juudan talois kyzy Saulu-nimellisty tarsolastu miesty. Häi molihes, ¹² i hänele oli nägy, buitegu tulou Ananii-nimelline mies, i panou käit hänen piäle, ku häi rubies uvvessah nägemäh». ¹³ Ananii vastai: «Ižändy, minä äijis kuulin täs miehes, min äijän pahua häi on luadinuh Sinun uskojile Jerusalimas. ¹⁴ Tiägi hänel on ylimäzien pappiloin annettu valdu ottua kiini kaikkii, ket kučutah abuh Sinun nimie». ¹⁵ No Ižändy sanoi hänele: «Mene, minä valličin händy, gu hänen vuoh minun nimi rodies tundiettu Jumalua tundemattomien rahvahien da suariloin ies dai Izrail՚an rahvahan ies. ¹⁶ Minä ozutan hänele, kui äijy pidäy hänel tirpua minun nimen täh». ¹⁷ Ananii lähti.^ Häi meni sih taloih, pani käit Saulan piäle da sanoi: «Velli minun Saulu, Ižändy työndi minuu, se Iisus, kudai jiäviihes sinule dorogal, kudamua myö matkait. Häi työndi minuu, ku sinä suazit järilleh silmät da täyttyzit Pyhäl Hengel». ¹⁸ I kerras buitegu suomukset pakuttih Saulan silmis, i häi rubei uvvessah nägemäh. Häi piäzi jalloilleh, i händy ristittih. ¹⁹ Sit häi söi da sai vägie.

May 31, 2023 in 11:55 Нина Шибанова

• created the text
• created the text translation
• created the text: ¹ Saulu ainos vie kuohui vihas da varaitteli surmal Ižändän opastujii. Häi meni ylimäzen papin luo ² da kyzyi, ku se kirjuttas Damaskan sinagougih kirjazet, kudamat annettas hänele valdu ottua kiini tämän Doroganjnoudajii miehii da naizii, kaikkii, kedä vai löydänöy, da tuvva heidy Jerusalimah. ³ Matkal, konzu Saulu oli jo lähäl Damaskua, taivahaspäi vuottamattah läimähtih valgei hänes ymbäri. ⁴ Häi pakui muale da kuuli, kui iäni sanoi: «Saulu, Saulu, midäbo vihuat minuu»? ⁵ Saulu kyzyi: «Ižändy, kenbo Sinä olet»? Iäni vastai: «Minä olen Iisus, kudamua sinä vihuat. ⁶ Nouze da mene linnah. Sie sinule sanotah, midä sinul pidäy ruadua». ⁷ Saulanke matkuajat miehet seizottih vaikkani.^ Hyö kuultih iäni, vai ei nähty nikedä. ⁸ Saulu nouzi muas, no konzu avai silmät, ei nähnyh nimidä.^ Händy viedih Damaskah käis viettäjen. ⁹ Kolme päiviä häi ei nähnyh nimidä, ei syönnyh, eigo juonnuh. ¹⁰ Damaskas oli Ananii-nimelline opastui. Hänele oli nägy, kudamas Ižändy sanoi: «Ananii»! «Täs olen, Ižändy», vastai se. ¹¹ Ižändy sanoi: «Mene uuličale, kudamua sanotah Oigiekse uuličakse, da Juudan talois kyzy Saulu-nimellisty tarsolastu miesty. Häi molihes, ¹² i hänele oli nägy, buitegu tulou Ananii-nimelline mies, i panou käit hänen piäle, ku häi rubies uvvessah nägemäh». ¹³ Ananii vastai: «Ižändy, minä äijis kuulin täs miehes, min äijän pahua häi on luadinuh Sinun uskojile Jerusalimas. ¹⁴ Tiägi hänel on ylimäzien pappiloin annettu valdu ottua kiini kaikkii, ket kučutah abuh Sinun nimie». ¹⁵ No Ižändy sanoi hänele: «Mene, minä valličin händy, gu hänen vuoh minun nimi rodies tundiettu Jumalua tundemattomien rahvahien da suariloin ies dai Izrail՚an rahvahan ies. ¹⁶ Minä ozutan hänele, kui äijy pidäy hänel tirpua minun nimen täh». ¹⁷ Ananii lähti. Häi meni sih taloih, pani käit Saulan piäle da sanoi: «Velli minun Saulu, Ižändy työndi minuu, se Iisus, kudai jiäviihes sinule dorogal, kudamua myö matkait. Häi työndi minuu, ku sinä suazit järilleh silmät da täyttyzit Pyhäl Hengel». ¹⁸ I kerras buitegu suomukset pakuttih Saulan silmis, i häi rubei uvvessah nägemäh. Häi piäzi jalloilleh, i händy ristittih. ¹⁹ Sit häi söi da sai vägie.