Texts
Return to list | edit | delete | Create a new | history | Statistics | ? Help
Ozoitezstarin suren praznikan polhe
Ozoitezstarin suren praznikan polhe
Veps
15Necen
kulištades üks’ adivoišpäi sanui Iisusale : «Ozakaz se , kudamb linneb longil Jumalan valdkundas .»
16Iisus sanui muga : «Eraz mez’ tegi suren praznikan i kucui äi adivoid . 17Konz oli aig zavodidas praznikale , hän oigenzi ičeze käskabunikan sanumaha kuctud mehile : „Tulgat , kaik om jo vaumiž“ .
18No hö kaik toine toižen jäl’ghe zavodiba sanelda , miše ei voigoi tulda . „Ostin pöudon“ , sanui üks’ , „minei tarbiž mända kacmaha sidä . Ala ota abidoks , no en voi tulda .“
19„Ostin viž parad härgid“ , sanui toine , „i mänen kodvimaha niiden radväged . Ala ota abidoks , miše en voi tulda .“
20Koumanz’ sanui : „Olen vaiše nainu , sikš en voi tulda“ .
21Käskabunik pördihe i sanui necen ižandale . Siloi ižand kurktui i sanui abunikale : „Mäne teramba lidnan irdoile i to sigäpäi gollid , kädetomid i jaugatomid , rambičijoid i sogedoid .“
22Käskabunik tuli sanumaha : „Ižand , tegin kaiken muga , kut käskid , no völ om sijad .“
23Ižand sanui käskabunikale : „Mäne surile i penile teile i käske rahvahale tulda tänna , miše minun pert’ oliži täuz’ .“
24I muga sanun teile , miše ni üks’ aigemba kuctud mehišpäi ei putu minun praznikale ! Äjid om kuctud , no harvoid mehid om valitud .»
Ozoitezstarin suren praznikan polhe
Veps
Лука 14:15-24
Russian
16
18
19
20
21
23
24