Texts
Return to list
| edit | delete | Create a new
| history
| Statistics
| ? Help
Stanislav Tarasov.
STRADANIJAT
genre: Lyric work
Source:
Тарасов Станислав, OMA RANDA (РОДНОЙ КРАЙ). Сборник стихов, 2008, p. 21
Stanislav Tarasov
STRADANIJAT
Karelian Proper
New written Tver
1.
Reijet šarissäh i lihat,
ijän šuačen šoittua, brihat.
Konža Vova virtä šoittau –
miula hengie palavoittau.
Näl’gäh emmä, brihat, kuoliis’,
Kun vain šoittuniekka tuliis’.
Hyvä eliä on, vain virkua,
pyhävoida eule tilkua.
Kaikki igä, rahvaš, ei šua
oštua pahačas’t’a geišua.
Kolme päiviä, on že virkua,
eule kerošša ni tilkua.
Igä mänöy, uidiu aiga –
ei šua tyttyö hyviä naija.
2.
Tualla kuulla tahoin naija,
oššin šuappuat hromovoit:
Kuni mittain, eugo kaijat –
tyttö uidi, suadiban loi.
Toine kerda tahoin naija,
oššin finskoin šoman paijan:
Kuni panetteliin, kačoin,
unahin mie kedä naičen.
Kolmaš kerda tahoin naija,
kučuin gos’t’ua ves’ma äijän:
Kuni karrattih da šüödih,
kuin i enžimäne - uidi.
Eländäne veššelöydy,
šuačen nytten leškilöidä:
Vaihan, ka kuin paikas’t’a,
nagran vanhua aijas’t’a.