Texts
Return to list
| edit | delete | Create a new
| history
| Statistics
| ? Help
Stanislav Tarasov.
LAULALDUA, MINGO?
genre: Lyric work
Source:
Тарасов Станислав, OMA RANDA (РОДНОЙ КРАЙ). Сборник стихов, 2008, p. 56
Stanislav Tarasov
LAULALDUA, MINGO?
Karelian Proper
New written Tver
Kizua šoittu veššelemmä,
omua kizua kuundelemma.
Laulua midä, hyviin tiijän –
vuotin päiviä tädä ijän.
Dringua šorka, häiskiä käzi -
veššelyöššä emmä läzı.
Viikombane hengittiä,
meidä ei šua ennättiä.
Ongo hengellä vain mieleh:
opaššumma omah kieleh!
Omat kargajannat, virret –
omat huolet, omat mielet.
Omah kieleh velgauduma –
tuli aiga, jalgeuduma:
kiirähämmä makšuačie,
karielakši vaštuačie.
Erois’ vielä laissuš pois’,
žiivattua i leibiä ois’:
täyži tanhuo, guomnot, aitat –
lapšet kažvettais’ ei laihat.