VepKar :: Texts

Texts

Return to list | edit | delete | Create a new | history | Statistics | ? Help

Stanislav Tarasov. MAMALLA

Stanislav Tarasov

MAMALLA

Karelian Proper
New written Tver
Muamozeh näh šanou rigeneh kyynel’,
elännän jygien lad’d’ai hiän kegozen.

Ijän hiän ečči: midä hiän pyydeli?
Kät’kimä armahan, jätti miän pežozen.

Kažvatti meidä, kuuven myö olima.
Voinua i näl’giä, kuin mahto, niin eisti.
Kalmazeh viluh hänen luoh tulemma,
mamane ijäkši uidi muah meistä.


Muahutta ruado, muahušta šyötti,
mieroh miät laški muahus’t’a myöt’.

Oligo jygie šiun, mamane, puutti
leibäzen hinnan maltamma nyt.


Vain šiunke jo yheššä emmägo šyöllä,
šiun palavua piiruas’t’a unahtua en voi.

Prosti miät, lämmin! Prosti miät, kulda!
Keh nytten tulen? Iten i ševoin.