Texts

Return to list | edit | delete | history | ? Help

Farisei i maksunkeradai

Corpus: Biblical texts (translated)

Source: Uz’ Zavet, (2006), p. 185-186
Evangelii Lukan mödhe. Iisus matkas jerusalimha 9:51-19:27. 18. От Луки святое благовествование, Глава 18. Библия (Синодальный перевод). en=Luke|18

Farisei i maksunkeradai
(Veps)

9Erasile, kudambad pidiba ičtaze oiktoin i hondostiba toižid, Iisus sanui necen ozoitezstarinan:

10«Kaks’ mest mäniba pühäkodihe loičmaha.
Toine oli farisei i toine maksunkeradai. 11Farisei seižui i loiči ičeksaze: „Sur’ Sünd, minä kitän sindai, miše en ole mugoine kuti toižed mehed, razbainikad, pahudentegijad, verhiden akoidenke magadajad vai kut nece maksunkeradai. 12Minä pühütan kahtišti nedališ i maksan kümnendesen kaikespäi, midä san. 13Maksunkeradai seižui tagemba. Hän ei rohtind eskai leta sil’mid taivhaze, vaiše löi ičtaze rindhiže i saneli: „Sur’ Sünd, armahta mindai, grähkhišt!

14Minä sanun teile: hän läksi kodihe Jumalan sil’miš oiktan mehen, no se toine ei. Kaikutte, ken iče ičtaze korgenzoitab, linneb alenzoittud, no ken iče ičtaze alenzoitab, linneb korgenzoittud