VepKar :: Texts

Texts

Return to list | edit | delete | Create a new | history | Statistics | ? Help

Puavil pagizou uskojien vahnimienke Efesas

corpus: Biblical texts

Source:
Uuzi Sana, 2003, p. 180-181

Apostoloin ruavot. Puavilan kolmas uskonlevitysmatku da matku jerusalimah.

Puavil pagizou uskojien vahnimienke Efesas

Livvi
New written Livvic
17 Militaspäi Puavil työndi sanan Efessah da kučui uskojien kanzukunnan vahnimii iččeh luo. 18 Konzu hyö tuldih, Puavil sanoi heile: "Työ tiijättö, kui minä olin teijän keskes kaiken aijan enzimäzes päiväs lähtijen Aazieh tulduu. 19 Ruavoin Ižändäle kaikes sanankuulijannu, kyynälienke da kaikkien pahuzien keskel, kudamii jevreit peitoči minule luajittih. 20 En vältynyh sanelemas sidä, mi on teile hyväkse, a opastin teidy kui rahvahan ies, mugai teijän kodilois. 21 Kui jevreilöile mugai gretsieläzile olen sanelluh, anna hyö hyllättäs riähkät da kiännyttäs Jumalan puoleh da uskottas meijän Ižändäh Iisussah.

22 Pyhän Hengen vietettävänny minä nygöi menen Jerusalimah, i en tiijä, mi minuu sie vuottau. 23 Yhten vai tiijän: Pyhä Hengi joga linnas sanelou, gu minuu vuotetah tuskat da čiepit.

24 No minä en pie omua hengie nimittumas hinnas, vai piäzizin matkan agjah suate da loppizin ruavon, kudaman minule andoi Ižändy Iisus. Se ruado on: levittiä muale hyviä viestii Jumalan hyvyöh näh.

25 Minä tiijän: niken teis, kenen keskes minä kävelin da sanelin Jumalan valdah näh, ei minuu enämbi näi.

26 Sendäh minä tänäpäi sanon teile toven: ku kentahto teis kuollou riähkähizenny, se ei ole minun viärys. 27 Minähäi en vältynyh sanelemas teile kaikkii Jumalan tahtoloi.

28 Kačokkua iččie da kaikkie karjua, kudaman andoi teile Pyhä Hengi kačottavakse da vardoittavakse. Olgua paimoinnu Jumalan kanzukunnale, kudaman Häi sai oman Poijan veren hinnal.

29 Minä tiijän, minun lähtiettyy teijän joukkoh tullah äriet hukat, kudamat ei žiälöijä karjua. 30 I teijän omas joukospäi nouzou miehii, kudamat viäristetäh tozi, ku vediä opastujii heile jälles.

31 Sendäh, vardoikkuattokseh! Mustakkua, minä kolme vuottu heittelemättäh n՚evvoin teidy jogahistu kyynälienke päivät dai yöt.

32 Nygöi jätän teidy Jumalan da Hänen armosanan käzih, sen sanan, kudai voibi nostua teidy da andua teile kodivuitin yhtes kaikkien uskojienke.

33 Nikes en tahtonuh ni hobjua, ni kuldua, ni sobua. 34 Työ iče tiijättö: minä nämil omil käzil ruadajen sain, midä minule da minun dovarišoile pidi.

35 Kaikelleh minä ozutin teile, gu nenga ruadajen pidäy avvuttua vähävägizii i mustua Ižändän Iisusan sanat: "Parembi on andua, migu ottua"".

36 Tämän paginan jälgeh Puavil heityi polvilleh da moliihes kaikkienke.

37 Kaikin äijäl itkiettih, sebäiltih da ukkailtih händy. 38 Kaikis suurin paha mieli heile oli se, ku Puavil sanoi, hyö nikonzu enämbi ei suaja nähtä händy. Sit hyö kaimattih Puavilua laivah suate.

Деяния апостолов 20:17-38

Russian
17 Из Милита же послав в Ефес, он призвал пресвитеров церкви, 18 и, когда они пришли к нему, он сказал им: вы знаете, как я с первого дня, в который пришел в Асию, все время был с вами, 19 работая Господу со всяким смиренномудрием и многими слезами, среди искушений, приключавшихся мне по злоумышлениям Иудеев; 20 как я не пропустил ничего полезного, о чем вам не проповедовал бы и чему не учил бы вас всенародно и по домам, 21 возвещая Иудеям и Еллинам покаяние пред Богом и веру в Господа нашего Иисуса Христа.

22 И вот, ныне я, по влечению Духа, иду в Иерусалим, не зная, что́ там встретится со мною; 23 только Дух Святый по всем городам свидетельствует, говоря, что узы и скорби ждут меня.

24 Но я ни на что не взираю и не дорожу своею жизнью, только бы с радостью совершить поприще мое и служение, которое я принял от Господа Иисуса, проповедать Евангелие благодати Божией.

25 И ныне, вот, я знаю, что уже не увидите лица моего все вы, между которыми ходил я, проповедуя Царствие Божие.

26 Посему свидетельствую вам в нынешний день, что чист я от крови всех, 27 ибо я не упускал возвещать вам всю волю Божию.

28 Итак внимайте себе и всему стаду, в котором Дух Святый поставил вас блюстителями, пасти Церковь Господа и Бога, которую Он приобрел Себе Кровию Своею.

29 Ибо я знаю, что, по отшествии моем, войдут к вам лютые волки, не щадящие стада; 30 и из вас самих восстанут люди, которые будут говорить превратно, дабы увлечь учеников за собою.

31 Посему бодрствуйте, памятуя, что я три года день и ночь непрестанно со слезами учил каждого из вас.

32 И ныне предаю вас, братия, Богу и слову благодати Его, могущему назидать вас более и дать вам наследие со всеми освященными.

33 Ни серебра, ни золота, ни одежды я ни от кого не пожелал: 34 сами знаете, что нуждам моим и нуждам бывших при мне послужили руки мои сии.

35 Во всем показал я вам, что, так трудясь, надобно поддерживать слабых и памятовать слова Господа Иисуса, ибо Он Сам сказал: "блаженнее давать, нежели принимать".

36 Сказав это, он преклонил колени свои и со всеми ими помолился.

37 Тогда немалый плач был у всех, и, падая на выю Павла, целовали его, 38 скорбя особенно от сказанного им слова, что они уже не увидят лица его. И провожали его до корабля.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages