VepKar :: Texts

Texts

Return to list | edit | delete | Create a new | history | Statistics | ? Help

Puavilua otetah kiini

corpus: Biblical texts

Source:
Uuzi Sana, 2003, p. 182

Apostoloin ruavot. Puavilua otetah kiini da suuditah.

Puavilua otetah kiini

Livvi
New written Livvic
27 Konzu net seiččie puhtastundupäiviä oldih menemäs loppuh, erähät Aaziespäi tulluot jevreit nähtih Puavilua jumalankois. Hyö allettih kuhkuttua rahvastu, kuovattih Puavil da 28 ruvettih kirgumah: "Izrail՚alazet! Avvutakkua! Tämä on se mies, kudai kaikkiel levittäy omii opastandoi da pagizou meijän rahvastu vastah, Moisein Zakonua vastah i tädä kohtua vastah. Ližäkse häi vie toi jumalankodih gretsieläzii da paganoitti tämän pyhän kohtan".

29 Hyö, näit, enne sidä oli nähty linnas efesalastu Trofimua Puavilanke, i smietittih, Puavil toi händy jumalankodih.

30 Kogo linnu rubei kiehumah, i rahvastu juoksi yhteh kohtah. Rahvasjoukko otti Puavilua kiini, ribaitti iäre jumalankoispäi, i kerras sen veriät salvattih.

31 Rahvasjoukko jo tahtoi tappua Puavilua, no sil aigua Riiman kogortan piälliköle tuodih viesti: kogo Jerusalim kuohuu.

32 Häi kerras otti kerale saldattoi da suanpiällikkölöi, da yrrästih sinne. Piällikön da saldatoin nähtyy rahvas heitettih Puavilan lyöndy.

33 Piällikkö tuli lähembäkse, otti Puavilua kiini i käski panna kaksih čieppilöih. Häi kyzyi, ken tämä on da midä häi ruadoi.

34 Yhtet rahvasjoukos kirruttih yhty, toizet tostu, a ku nengomas hälys piällikkö ei voinnuh ellendiä nimidä, sit käski vediä Puavilua kazarmah.

35 Konzu Puavil piäzi pordahih suate, saldatoil pidi kandua händy käzil rahvahan vägivallan täh. 36 Suuri joukko rahvastu, näit, tuli jälles da kirgui: "Surmu hänele"!

Деяния апостолов 21:27-36

Russian
27 Когда же семь дней оканчивались, тогда Асийские Иудеи, увидев его в храме, возмутили весь народ и наложили на него руки, 28 крича: мужи Израильские, помогите! этот человек всех повсюду учит против народа и закона и места сего; притом и Еллинов ввел в храм и осквернил святое место сие.

29 Ибо перед тем они видели с ним в городе Трофима Ефесянина и думали, что Павел его ввел в храм.

30 Весь город пришел в движение, и сделалось стечение народа; и, схватив Павла, повлекли его вон из храма, и тотчас заперты были двери.

31 Когда же они хотели убить его, до тысяченачальника полка дошла весть, что весь Иерусалим возмутился.

32 Он, тотчас взяв воинов и сотников, устремился на них; они же, увидев тысяченачальника и воинов, перестали бить Павла.

33 Тогда тысяченачальник, приблизившись, взял его и велел сковать двумя цепями, и спрашивал: кто он, и что сделал.

34 В народе одни кричали одно, а другие другое. Он же, не могши по причине смятения узнать ничего верного, повелел вести его в крепость.

35 Когда же он был на лестнице, то воинам пришлось нести его по причине стеснения от народа, 36 ибо множество народа следовало и кричало: смерть ему!
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages